Lo genre de la ròsa es format per un conegut grop d’arbrilhons espinoses e amb flor que son los principals representants de la familha de la familha de rosacèas. Òm nomena ròsa aquela flor d’aquel genre e rosièr la planta.
Lo nombre d’espècias es pròche a 100, e la majoritat an coma origina geografica Asia. Un nombre mendre d’espècias es nadiu d’Euròpa, America septentrionala o encara Africa nòrd-occidentala. D’espècias blosas mas tanben ibridas son cultivadas per la sieuna beltat mas tanben pel sieu perfum. En mai d’aquò, òm pòt extreire d’òli esencial d’aquela flor e puèi l’usar al mond de la cosmetica, la medecina o encara las gastronomia.
Uèi i a mai de 30.000 tipes ibrids de ròsa e cada an òm crea una nòva ròsa ibrida. Totun, sonque i a divèrsas espècias qu’òm pòt classificar coma mairalas; Ròsa moschata, Ròsa gallica, Ròsa de Damasc, Ròsa wichuraiana, Ròsa californica e Ròsa rugosa. De soslinhar que los productors de ròsas del sègle XXen volguèron produsir de flors màgers e tanben pus polidòtas malgrat que sens brica perfum. Mas que i a fòrça ròsas salvatjas e consideradas uèi coma d’autras epòcas, que, per contra, an un perfum plan fòrt e doç.
La ròsa es una de las flors pus vendudas del mond. Lo rosièr es una de las plantas pus comunas als jardins e n’i a que sonque an de ròsas e òm i pòt espepissar fòrça genres d’aquela flor. La varietat al mond de las rosacèas es naut e i a de rosièrs pichonèls amb sonque 10 o 15 cm de nautor fins a grands arbrilhons que pòdon arribar plan a plusors mètres de nautor.
La significacion de las colors
Una ròsa roja vòl dire amor e tanben dangièr. Son las pus aimadas pels amoroses. Una ròsa blanca vòl dire èsser blos e innocent, humble e tanben silenci. Son las pus usadas pendent lo maridatge, baptesme e d’autras cerimònias religiosas. Una ròsa jauna, per contra, significa enveja. Una ròsa roja vòl dire simpatia, èsser urós e tanben feminitat.
Se òm amassa de ròsas rojas e de ròsas blancas significa union. Mas se lo grop de flors son ròsas rojas e jaunas significa alegresa e tanplan magnetisme. E se sonque i a una ròsa significa innocència, èsser jove e començament. Mas doas ròsas vòlon dire union e blosetat en l’amor. A mai, una ròsa sens d’espinas vòl dire aver pas paur de res.
En pintura una ròsa violeta vòl dire amor desirat mas un narcís significa castetat. Una margarita vòl dire quicòm contra lo desir sexual mas que poiriá, al torn, far arribar d’infidelitat. L’ulhet significa maridatge e una flor blanca, en mai d’aquò, volguèt totjorn dire blosetat. Una flor roja foguèt totjorn restacada amb l’òme e una flor blava foguèt, per contra, totjorn restacada amb la femna.
Un article d’Andrés López*
*Dempuèi uèi trobarètz una pichona biografia dels redactors de Sapiéncia en la seccion Qui sèm.
