Era descobèrta es estada hèta ena isla subtropicau japonesa de Kuroshima – ena còsta sud de Kiushu, ena prefectura de Kagushima- e ei ua descobèrta des estonantes. Ei ua planta fòrça pòc comuna en eth mon dera flora dera region pr’amor qu’utilize pas eth mecanisme vegetau dera fotosintèsi. Eth son nom Gastrodia kuroshimensis.
Ath delà, aguesta planta arrecep era neuritud e nutrienti des camparòus que demoren sus era e tanben produsís flors que son dilhèu semes. Açò vò díder qu’ei ua planta totauments cleistogama. Era descobèrta e classament es estat hèt peth professor dera Escòla de Sciéncia dera Universitat de Kobe, Kenji Suetsugu.
En mai d’enguan eth professor Suetsugu hège un viatge as tèrres des bòsqui de Kiushu. Era tòca ère documentar era distribucion des plantes micoeterotropiques. Siguec alara quan poguec recuélher mes d’un centenat d’espècies d’aguest tipe de plantes .Entre aguestes trapèc un especimèn que, dempús d’èster estudiat, èra ua nòva espècia: Gastrodia Kuroshimensis.
Era descobèrta, publicada en jornau numeric Phytotaxa confirme qu’ei part d’un grop de plantes pòc comun; ei micoeterofica – çò que vò díder que pren es nutrienti des camparòus que demoren ena planta e qu’utilize pas era fotosintèsi e tanben qu’ei ua planta totauments cleistogama, çò ei que produsís flors qu’an pas de semes.
Cleistogamia o maridatge barrat
Aguest terme includís plantes damb flors qu’utilizen era pròpria fertilizacion. Aguest mecanisme a generat fòrça discussions scientifiques des d’era epòca de Darwin. Ei ua estrategia utilizada per fòrça pòques plantes pr’amor que podem créisher en luòcs on d’autes plantes creishen pas. Mes tanben ei ua adaptacion perilhosa pr’amor que quinsevolh cambi environament pòt provocar era sua extincion.
Atau, es flors chasmogamas patissen, de còps, un lèu desequilibri en eth genòma se i a cambis en er environament. Ua abséncia de conquista d’autes luòcs – qu’a coma causa era sua especializacion – balhe ua rapida mutacion e ua caduda dera populacion des plantes d’aguest tipe. Aquerò ei donques Gastrodia kuroshimensis, un petit tresaur dera natura.
Christian Andreu
