CONGRÉS A TORTOSA (CCEPC) 2024
Pendent la dimenjada dels jorns 8, 9 e 10 de Novembre a estat celebrat dins la vila catalana de Tortosa lo XIVen Congrès de la Coordinatritz de Centres d’Estudi de Lenga Catalana, que cada edicion ofrís una monografia jos un tèma determinat; en aquela convocacion es estat “Los rius: territòri, identitat e cultura”.
Mai de quaranta trabalhs presentats an ofrit una vision fòrça ampla de l’importància dels rius, sustot a Catalonha e al País Valencian, dempuèi fòrça domenis: geografic, distribucion del territòri, economic, istoric… Aquela diversitat tematica a demostrada la granda vitalitat dels estudis e de l’investigacion als territòris de lenga catalana.
La nòstra entitat, SAPIÉNCIA OCCITANA presentèt “La Garona. Identitat e Territòri” sus l’importància per las tèrras occitanes d’aquel riu nascut a l’Aran, coma via de transmission economica e culturala, e dins la configuracion de l’identitat occitana.
Lo nòstre estudi analisa la Garona en domenis tan diverses, mas simultanèament tan importants, coma l’etimologia del sieu pròpri nom, la vertebracion del Canal del Miègjorn, la preséncia del riu en la literatura occitana e la francesa o qualques legendas e de mites ligats a la Garona, e que mòstran aquela importància dins de l’imaginari collectiu occitan.
Lo Congrès acabèt dimenge amb una passejada per la vila de Tortosa, una vila de grand interès istoric, que viu tanben al bòrd d’un riu, l’Ebre, que marca la siuena trajectòria e la siuena vida actuala. Perque cossí afirma un dels lèmas, fòrça present a las tèrras catalanas de l’Ebre, “lo riu es vida”, e podèm pas mesestimar la siuena importància ni menaçar la siuena subrevivença amb projèctes que pòscan los destruir.
La tematica d’aquela edicion del Congrès de la Coordinatritz es venguda encara mai importanta, per las consequéncias de la Depression Isolada en Nivèls Nautes que vivon sustot al territòri valencian.
Un article de Francesc Sangar*
*Dempuèi uèi trobarètz una pichona biografia dels redactors de Sapiéncia en la seccion Qui sèm.
