L’ester uman n’ei pas la sola espècia qui pòt demorar hèra annadas. Adara, los cercaires que confirmèn l’atge dun crocodile qu’a hèit 120 annadas, un recòrd mondiau entà la fauna terrèstra. Tanben, pr’aquerò, los expèrts que pensan que cau cambiar l’avís sus l’èspèr de vita de daubuas espècias, que poirén víver mei d’annadas shens lo contròle uman de la planeta blua.
Lo crocodile australian qu’ei coneishut dab lo nom de Cassius e qu’estó capturat dens l’annada 1984 pr’amor de las soas atacas a l’elevatge de la region. Puish estó miat a l’Isla Verda d’Austràlia, on enqüèra podem lo vèir uei. Cassius qu’ei estat lo crocodile que viscó mei en captivitat pr’amor qu’adara a hèit 120 annadas, maugrat que non ei briga facile balhar un atge ad aqueth tipe de reptiles.
Ua edat mauaisida
Los crocodiles, quan vaden adultes, qu’ei mauaisit de confirmar lo son atge pr’amor que la siuena creisença, après arribar ad aquera estapa de la soa vita, que vien plan lenta e sovent tanben que s’arrèsta. Los màgers crocodiles que son aqueths especimèns sauvatges joens. E los mascles que son, sovent, màgers que las hémias.
“Ne’s pòt pas saber au 100% l’atge de Cassius, dit Toody Scott, qui suenha lo crocodile au Parc de Crocodiles de Marineland, en l’Isla Verda australiana. Cassius que neishó en la natura e l’atge n’ei pas segur ». En efèit, Cassius adara hè 5 mètres e miei e ei un crocodile marin, qu’ei ua de las màgers espècias de crocodiles de la planeta, mès Cassius qu’ei un individú plan normau.
Cassius qu’estó capturat en 1984 dens ua bòrda d’elevatge de Darwin, en Austràlia continentau. Quan estó capturat pr’amor de las soas atacas au elevatge qu’avèva enter 30 e 80 annadas. Mes dejà alavetz estó lo màger crocodile marin jamei capturat en Austràlia.
“Dens aquera epòca Cassius que hasèva mei de cinc mètres, dit lo cercaire Graham Webb, e dejà alavetz provocava de paur pr’amor que los crocodiles, tanben los crocodiles marins, ne son pas sovent atau ». Uei Cassius que viscó pendent mei de 35 annadas en l’Isla Verda e enqüèra que creish. Aquera tasca qu’ei çò qui aperè l’atencion deus cercaires, pr’amor que’s coneishè pas enqüèra un atge autan haut dens un crocodile australian ».
Estudiar un crocodile dens la natura n’ei pas briga facile. E ac mesurar enqüèra mensh. Los crocodiles que son plan timides, mes Cassius n’estó pas jamei timid. Enqüèra uei qu’ei plan brave e autan plan actiu dab los umans. Que cau soviéner qu’aquera espècia, los crocodiles marins australians, sovent arriban a las 70 annadas de vita, lo màger crocodile marin jamei capturat a la planeta qu’estó un capturat a Lolong, en Filipinas, qui hasèva mei de 6 mètres de longor.
Enqüèra cinc annadas a, qu’estó capturat un aute crocodile marin qui hasèva près de cinc mètres, mes n’ei pas autan massiu coma Cassius, qui adara a lo Recòrd Mondiau Guinnes coma lo màger crocodile de la Tèrra. De soslinhar donc que si los crocodiles son pas màgers qu’ei pr’amor que son caçats abans, mes que, au passat, que’s parlè de testimònis qu’avèvan vist crocodiles marins qui hasèvan mei de 7 mètres. Tota ua bèstia qui provocaré de paur dens la majoritat de nosautas.
La Redaccion
