Narmer, foguèt, lo primièr faraon egipcian qu’unifiquèt tot lo país, pr’amor que fins a el i aviá doas Egiptes; la Nauta Egipte e la Bassa Egipte. Mas Narmer, que tanben poiriá s’apelar Men o Menes, foguèt lo faraon qu’après ans de luta poguèt conquistar tot lo país e l’unificar en l’an 3.150 aC. Lo sieu regne durèt fòrça temps, benlèu mai de 30 o 40 ans e segon Maneton, un autor força posterior qu’escriguèt una istòria d’Egipte anciana, moriguèt pr’amor l’ataca d’un ipopotam.
Un nòu Egipte amb Nekhen com capital
L’egiptologia non es encara segura quand parla de la sieuna figura nimai de la del sieu paire, lo faraon Ka o Escorpion II. Lo papir de Turin parla d’el coma un seguidor d’Òrus en una lista de sobirans egipcians qu’encara non se sap se foguèron considerats coma semidieus o mitics en Egipte. Maugrat que foguèt enterrat en Abidòs, la sieuna capitala foguèt Nekhen. Totun, qu’ajudèt e fòrça a rebastir la vila de Memfis.
Uèi es plan conegut per una paleta cosmetica que parla d’el e de la istòria d’Egipte pendent la sieuna epòca. En aquela paleta se conta coma lo bas Egipte foguèt ocupat pel Naut Egipte. Foguèt un faraon guerrièr que talhava los caps als sieus enemics e que tanben volguèt èsser faraon en tèrras asiaticas. Mas benlèu tanben poiriá èsser qu’Egipte patiguèsse una invasion asiatica coma se debanèt pendent la sieuna anciana istòria divèrses còps.
La paleta de Narmer tanben explica coma Narmer luta e ganha los sieus enemics libians e coma serà lo primièr – dinc a uèi lo jorn – que poiriá aver las doas coronas d’Egipte, la roja e la blanca. Dos felins amb lo còl fòrça long son a mand de l’environar e l’allegoria vòl dire lo domèni de Narmer es sus totas las tèrras egipcianas, los dos reiaumes de la Naute e la Bassa Egipte.
D’autras trobalhas que parlan de Narmer tanben son estadas trobadas en fòrça vilas e vilatges egipcians. Lo sieu nom tanben es estat trobat en tròces de ceramica en tèrras d’Israèl e tanben de Palestina. La sieuna volontat expansionista sembla que non aviá fin. En Abidos s’es trobat un tròç d’evòri amb un libian que reconeis Narmer coma lo sieu Sénher. Benlèu tanben arribèt en las sieunas conquistas fins a Libia e Africa centrala. L’egiptologia, totun, encara non o a pogut confirmar mas sembla segur que foguèt un dels faraons mai poderoses de l’ancian Egipte, aquò qu’es clar.
Redaccion
