Home ASTROFISICA L’INSIGHT JA ES ARRIBAT A MART
L’INSIGHT JA ES ARRIBAT A MART
0

L’INSIGHT JA ES ARRIBAT A MART

0

Lo pichon modul espacial terrèstre INSIGHT, que laissèt la Tèrra lo 5 de mai d’ongan arribèt a la superfícia de Mart aquest diluns. La mission espaciala es estada considerada fins ara una bèla capitada e lèu començaràn d’arribar d’informacions nòvas sus la planeta roja.

Lo modul espacial dintrèt dins l’atmosfèra marciana a mai de 20.000 Km/ora

Lo modul dintrèt dins l’atmosfèra marciana a mai de 20.000 Km/ora. Foguèt alara quora patiguèt las nomentadas 7 minutas òrras pr’amor qu’es lo temps qu’aviá de besonh lo modul per arrestar la sieuna velocitat lèu lèu e fins a 8 Km/ora. Aital, e sens poder utilizar cap sistèma d’airbags pr’amor de son pes, l’INSIGHT comencèt aquela operacion lèu, solament aprés dintrar dins l’atmosfèra de la planeta.

Quora èra d’aperaquí a 12 quilomètres de la superfícia, lancèt lo paracasuda. Apuèi, a 1000 mètres de la superfícia inicièt lo foncionament de 12 retropropulsors e s’arrestar fins a 8 Hm/ora. Fin finala, arribèt a la superfícia de Mart a 20:54 oras del diluns e envièt lo primièr senhal de ràdio a la Tèrra, que demorèt 8 minutas en i arribar. Tot anèt maugrat tot aquò, plan.

Una operacion que foguèt un succès

La còla de la NASA que seguissiá l’arribada de l’INSIGHT a Mart se mostrèt urosa pr’amor de la resulta finala. Lo modul èra arribat a la region d’Elysium, plana e gaireben sens cap d’accident geografic. L’airal es plan segur per aténher la tòca principala de la mission INSIGHT: 40 jorns après i arribar un braç robotic daissarà sus la superfícia marciana un sismomètre que mesurar se i a de movements geologics sus la superfícia d’aquela planeta. Mai tard encara, l’INSIGHT iniciarà lo foncionament d’un autre espleche tecnologic qu’a coma tòca la deteccion de la temperatura de la superfícia de Mart.

Après i arribar un braç robotic daissarà un sismomètre que mesurar se i a de movements geologics.

Cal, de mai, conéisser se encara i a de vida geologica o termica en Mart e cossí es lo nuclèu de la planeta. Segon de cercaires de la planeta roja, Mart aquel moviment geologic auriá provocat un camp magnetic mai flac e aquò auriá entraïnat una fugida de l’atmosfèra de la planeta fa temps per lo vent solar.

“Es conegut que fa temps i aguèt una granda activitat volcanica e pendent de longs periòdes sus Mart – çò diguèt Alberto Gonzalez-Fairén, de l’Universitat de Cornell -. Mart a encara de volcans gigants, los pus grands del Sistèma Solar e encara mai nauts que lo Chomolangma (Everest). L’INSIGHT dirà se encara i a d’energia residuala o quora Mart daissèt d’èsser actiu geologicament”.

L’INSIGHT es un modul espacial que ja auriá d’aver sortit de la Tèrra en 2016 mas de problèmas en una partida del modul, apelat SEIS, entraïnèron una demora del sieu lançament fins l’an 2018 ( amb mai de 150 milions de dolars extra).

Las missions de l’INSIGHT son mesurar l’activitat geologica e la temperatura de la planeta e tanben laissar dos microsatellits nomentats Mars Cube One a mièi camin de la planeta roja, es l’espaci, per desvolopar de nòvas tecnicas de telecomunicacions e navegacion. En mai d’aquò, a desparièras partidas bastidas per de centres espacials de diferents estats europèus coma lo SEIS, fach per l’agéncia espaciala francesa o l’HP3 bastit per l’agéncia espaciala alemanda. La capitada de la mission INSIGHT foguèt publicada al numeric de la NASA.

La Redaccion

Christian Andreu Nasquèt a Barcelona en 1972, estudièt jornalisme a l’Universitat Autonòma de Barcelona e son especialitat es la politica internacionala. Parla uech lengas dont l'occitan. A publicat lo libre Art i Lletres a Horta-Guinardó e a collaborat totjorn amb de jornals catalans, bascos e occitans coma La Veu del carrer, El Punt, Egin, A vòste e Jornalet. Es maridat, a dos enfants, Jana e Roger, e demòra a Reus.