Cadun jorn, es en mejana plus de 8 personas quaus se donan volontariament la mòrt, sus l’ensemble dau territòri Occitan.
Afin de comprendre aqueth fenomèn, es important de l’estudiar concretament amb l’ajuda de diferentas donadas estatisticas e per la seguida lei divèrsas causas, que serián personalas, societalas, socialas o meme economicas.
Majoritariament, lei òmes son lei plus nombrós a se donar la mòrt, amb un caire de plus de 70% dei personas concernadas. Cau tanben saber que lo suicidi resta la premièra causa de decès per lei 25-35 annadas, e la segonda per lei 15-24 annadas, après lei accidents de la rota.
Contrariament aus idèas recebudas, lo taus de suicidi a tendència a aumentar amb l’edat, e pòu agantar plus de 100 sus 100 000 abitants, per lei plus de 85 annadas.
En mejana, l’ensemble dau territòri Occitan es mens tocat per lo suicidi que leis autres territòris francés.
Pasmens, es a remarcar una granda disparitada entre lei divèrsas zonas geograficas. Contrariament a çò que l’òm poiriá creire, lo taus de suicidi es fòrça plus important dins lei zonas ruralas qu’autorn dei grandas vilas e lei zonas montanhosas o reculadas semblan plus toucadas que lei litoraus.
Per çò qu’es dei donadas pertocant lei territoris occitans en Italia e en Espanha, semblan s’accordar sus la mejana generala, sensa grandas disparitadas. Vaqui una mapa exclusiva pels legeires de Sapiéncia.
*Theò Bajon
*Dempuèi uèi trobarètz una pichona biografia dels redactors de Sapiéncia en la seccion Qui sèm.
