![HITLER AURIÁ FUGIT A ARGENTINA](https://sapiencia.eu/wp-content/uploads/2016/08/hitler2-620x349.jpg)
Polemica istorica e discussion dubèrta. Tot aquò se pòt pensar après veire la nòva seria de documentaris que lo canal estatsunitenc History Channel – un dels canals d’istòria mai vistes d’aquel país – a publicat; que Hitler non auriá mòrt en 1945. Segon History Channel i a mai de 700 pròvas documentàrias de l’FBI que confirman qu’Adolf Hitler moriguèt pas en Berlin en 1945.
![1445331244](http://sapiencia.eu/wp-content/uploads/2016/08/1445331244-300x128.jpg)
Un dels episòdis d’aquesta seria televisiva, Hunting Hitler ( En tot caçar Hitler ) a coma titol La rota de los rats e explica coma Hitler fugiguèt de Berlin en març de 1945 per un tunèl e arribèt dinc a Galícia. Las autoritats fascistas espanhòlas coneissián l’afar e aurián ajudat Hitler en la sieuna fugida cap a America Latina, lo meteis camin que prenguèron de milièrs e milièrs de fugitius nazis en 1945 e que finiguèron los sieus jorns en Argentina o Brasil.
Per confirmar aquesta polemica teoria istorica, lo canal History Channel confirma qu’a pogut veire mai de 700 documents desclassats per l’FBI en 2014. Segon qualques istorians, la mòrt d’Hitler en Berlin en 1945 non a pogut jamai èsser provada.
Nòtas d’Edgar Hoover
Coma pròva per afirmar tot aquò, los recercaires d’History Channel mòstran una nòta escrita a man per Edgar Hoover, un dels directors de l’FBI mai polemics que i a jamai agut. Aquesta nota, çò dison, ditz aquò : “Los oficials de l’armada dels Estats Units non tròban lo còs d’Hitler e non i a cap font fisable amb qué poder assegurar que Hitler es mòrt”. De mai, la meteissa nòta ditz que i a escassenças que Hitler foguèsse encara viu en 1946.
![argentina_ss4](http://sapiencia.eu/wp-content/uploads/2016/08/argentina_ss4-300x160.jpg)
Al delà d’aquò es estat trobat un tunèl que permetiá la fugida del bónquer en Berlin ont èra Hitler en març de 1945. Segon History Channel, Hitler auriá fugit dinc a Galícia en tot esperar una fugida mai granda fins a Argentina.
S’aquò foguèsse vertat seriá una de las messorgas istoricas mai grandas de la istòria contemporanèa: la mòrt d’Hitler en 1945. Volem pensar que i an d’interèsses en aquesta informacion per dubrir un autre còp una polemica ja barrada fa mai de 70 ans. Mas perqué ara ?
Christian Andreu