Divèrses astronòms an pogut confirmar la casuda de divèrsas exocomètas en HD 172555, una estela que i a prèp e qu’a a l’entorn un grand disc. O auriá confirmat una còla d’astronòms de la NASA, del Centre per Vòls Espacials e tanben de l’entrepresa Eureka Scientific Inc. Lo cap de la còla es Carol Graddy e maugrat qu’an confirmat que las divèrsas comètas son pas estadas vistas directament al torn d’HD 172555, los recercaires an pogut dedusir la sieuna preséncia quand utilizavan lo telescòpi Hubble de la NASA/ESA per d’autres missions.
Aital, e segon las observacions del scientifics, mai d’una comèta e un disc de gas protoplanetari e pols aurián estats espiats en direccion cap a l’estela centrala HD 172555. Los recercaires an soslinhat qu’aquestes objèctes finiràn per tombar fin finala en aquesta estela e se vaporizaràn. HD172555 es al delà d’aquò lo tresen sistèma extrasolar qu’a comètas. Totes los sistèmas son joves e an mens de 40 milions d’annadas d’edat.
HD 172555 es 95.2 ans lum de la Tèrra e se pensa qu’a una edat de 23 milions d’annadas. Tanben es conegut coma HIP 92024, HR 7012, IRAS 18405-6455 o TYC 9077-2487-1. E es un membre del Grop Mobil Beta Pictoris, una amassada d’estelas nascudas de la meteissa font estelara. Es conegut que Beta Pictoris tanben es un grop d’estelas que se manja totes los comètas que i son prèp. Es una amassada d’estelas fòrça estudiada pr’amor qu’es la colleccion mai granda de joves estelas prèp del pròpri sistèma solar.
D’aquestas estelas, un 37.5% an una exoplaneta coma 51 Eridani b al sistèma 51 Eridani o objèctes amb las mesuras d’una estela, coma es lo cas de Beta Pictoris o ambedós. “Aqueste grop a una edat semblanta a la necessitada per crear planetas tipe Tèrra, çò diguèt Grady. En 2013 Flavien Kiefer de l’Institut d’Astrofisica de París e tanben d’autres collègas avián ja descobèrt que i avián divèrsas exocomètas al torn d’HD 172555 . Un espectrograma aital o aviá confirmat. En aqueste se podián veire las ombras de calci que laissa la lum de las estelas, una evidéncia que divèrses objètes amb las mesuras d’una comèta tombavan dins l’estela.
Après aquesta descobèrta Grady e d’autres scientifics utilizèron lo telescòpi Hubble e l’Espectrograf d’Origina Cosmica en 2015 per fas una anàlisi amb lum UV. Aquò permetèt identificar la signatura de divèrses elements. Las observacions foguèron realizadas après 6 jorns en doas ocasions. En aquel moment foguèt detectat silici e gas de carbòni coma lum estelara. Lo gas se moviá a mai de 580.000 quilomètres/ora per davant d’HD 172555. L’expliacion èra qu’aqueste gas èra material trincat après trucar amb l’estela.
“La preséncia d’aquestes objèctes en epòcas desparièras confirma que coma o fa Beta Pictoris, i auriá mai d’una familha d’exocomètas que tomba sus HD 172555, çò diguèron los astronòms. De mai, lo gas que provòca aquestes trucs es tot a l’entorn d’HD 172555. Es un material que se pòt veire de mai en mai pr’amor qu’a plan grandas estructuras dins”. L’estudi es estat presentat en la 229ena Reunion de la Societat Astronomica Americana en Texas, ongan.
La Redaccion
