DASPLETOSAURUS QU’ESTÓ L’ANCÈSTRE DE TIRANOSAURUS
Daspletosaurus wilsoni, un tirannosaurid qui vivè 76,5 milions d’annadas a en çò qui ei uei Montana, a ua combinason unica de caracteristicas ancestraus, e representa ua estapa de transicion religant l’ancestrau Daspletosaurus torosus a Daspletosaurus horneri evoluant enter 77 e 75 milions d’annadas a.
Daspletosaurus corrè la nosta planeta a l’epòca deu Cretacèu superior, 76,5 milions d’annadas a. Lo fossil ei estat trobat en la formacion de Judith Riblar en Montana. Daspletosaurus apartienè als Tyrannosauridae, ua familha de grans predators dont Tyrannosaurus rex.
Los tyrannosauridés que’s caracterizan peus cranis massius, dents espessas e membres anteriors corts. Que son coneishuts en America deu Nòrd e Asia despuish mei d’un sègle, mes de nombrós detalhs de la lor istòria evolutiva demoran enqüera foscs.
Un debat d’annadas
“Despuish las annadas 1990, lo debat qu’a entornejat Daspletosaurus, ua espècia grana de tiranosaure coneguda de Montana e de l’Alberta, qui ei estada prepausada com ancèstre deu Tyrannosaurus rex eth medish”, qu’a declarat Elías Warshaw, cercaire de l’Universitat Estatau de Montana.
“La reconstruccion de l’evolucion de Daspletosaurus qu’ei estada entravada per la raretat deus bons especimèns, e de nombrós paleontològues ne son pas d’acòrd a l’ora a saber si aqueths tirannosaurids representan un sol linhatge, o mantua espècia estretament aparentada.”
“Daspletosaurus wilsoni presenta ua mescla de caracteristicas trobadas dens los tiranosaures mei primitius provienent de ròcas mei ancianas, com un ensemble proeminent de còrns a l’entorn de l’uelh, e caracteristicas conegudas deus membres ulteriors d’aqueth grop (dont Tyrannosaurus rex), com ua orbita grana e de las pòchas d’aire alargadas dens lo crani. “D’aquera faiçon, l’espècia navèra qu’ei un “punt a miei camin” o un “anèth mancant” enter las espècias de tiranosaures mei ancianas e mei joenas.
Las descobèrtas de l’equipa que suggereishen que las recèrcas anterioras avèvan rason d’identificar mantua espècia de Daspletosaurus com un sol linhatge evolutiu, e sostienen la descendéncia deu Tyrannosaurus rex d’aqueth grop. Mes qué ditz aquò sus l’evolucion deus dinosaures? , I aguè nombrosas familhas representadas per mantua espècia estretament aparentada », qu’an declarat los paleontològues .« Que’s pensava abans que representavan la diversitat, qu’ei a díser que vivèn au còp, çò que seré la pròva d’ua evolucion ramificada.
“Totun, un ahoalh d’especimèns navèths e ua compreneson melhora deu lor plaçament dens lo temps qu’an cambiat çò qui’ns pensam.” “Podem adara véder que bon nombre d’aqueras espècias son en hèit separadas dens lo temps las uas deus autas, formant estapas consecutivas dens un sol linhatge evolutiu on ua espècia ancestrau evolua dirèctament en ua espècia descendenta.”
“Qu’ei çò qui s’apèra lo mòde d’evolucion de l’anagenèsi, e que contrasta dab la cladogenèsi, on eveniments de ramificacion successius produseishen nombrosas espècias estretament ligadas mes que representan deus cosins evolutius meilèu qu’ancèstres e descendents.” L’ajustèr dels tiranosaures a ua lista creishenta de dinosaures (dont los dinosaures a còrns e a bèc de guit) entaus quaus ua anagenèsi (evolucion lineara) ei estada prepausada .” “Aquò sembla suggerir que l’evolucion lineara ei mei espandida en çò deus dinosaures, e l’evolucion ramificada estó mensh frequenta que çò que se pensava abans. » L’article qu’estó publicat dens la revista PeerJ .
La Redaccion
