Un nòu estudi ditz quinas son las conseqüéncias de beure tròp d’alcoòl. Segon aqueste estudi se bevèm tròp d’alcoòl podem aver un avaniment. Aquestas pèrtas de coneisença son abitualas en gaireben 50% de las personas que bevon sovent mas non s’aviá realizat pas encara nat estudi sus perqué passavan o las sieunas conseqüéncias.
L’estudi es estat realizat per la Societat de Recèrca sus l’Alcoolisme e an publicat lo sieu trabalh a la revista numerica Alcoholism; Clinical & Experimental Research. Segon aqueste, se una persona beu sovent i a fòrça escasenças d’aver una avaniment per l’ingestion d’acoòl. Los scientifics qu’an fach l’estudi confirman que ja i avián 26 estudis realizats abans sus l’alcoòl e quins mecanismes neurobiologics i èran relacionats.
D’un costat, es logic pensar que tot aquò depend de la persona e la sieuna biologia pr’amor que n’i a que pòdon beure mai d’alcoòl sens aver d’avaniments. Mas d’autras non pòdon remembrar çò qu’es passat aquela nuèch maugrat que non an begut mai que los autres del grop ont èran.
Aquesta pèrta de coneisença o de memòria se produsís quan lo nivèl d’alcoòl es tròp naut en la sang. L’ipocamp es, totjorn, una region fòrça sensible a l’ingestion d’alcoòl e tanben es l’organ que desvolòpa la memòria. Pr’aquò quan i a una ingestion d’alcoòl tròp nauta l’ipocamp non trabalha pas gaire ben. Non desmembram las causas, los remembres non an arribat jamai al nòstre cervèl.
Un fach dangierós per la santat
Ausim Azizi, cap de l’estudi, a confirmat que la pèrta de coneisença pòt èsser mai longa o cuerta mas la vertat es que los remembres non son formats pendent longs periòdes de temps quan la persona a ingerit tròp d’alcoòl. D’un autre costat, l’estudi tanben soslinha que mentre i a l’avaniment, se pòt causar un mal important a la nòstra santat fisica e mentala.
Una persona pòt caire e se trincar un o mai òsses sens o saber. De mai, aquesta foscor cerebrala tanben pòt provocar un mal psicologic grand pr’amor que aquestes episòdis son relacionats amb d’anomalias neurobiologicas e simptòmas psiquiatrics se perduran en lo temps.
Ara ja o sabèm, e qui avertís es pas traïdor. Beure alcoòl es benfasent per la santat se actuem amb moderacion mas una ingestion granda d’alcòol pòt arribar a provocar de problèmas mentals e neurobiologics en la persona. Un fach que, sovent, la joenessa non “remembra” jamai, benlèu pr’amor que ja an començat a beure tròp.
La Redaccion
