AVANTATGES SOCIALS DEL BILINGÜISME
Èsser bilingue a d’avantatges coma poder far de nòvas convèrsas o cercar nòvas experiéncias. Tot aquò ja èra sabut mas ara la psicologia a volgut demostrar los avantatges del bilingüisme amb dos estudis e o a pogut far. Èsser bilingüe fa melhor la persona en las sieunas foncions executivas – aquò ajuda a solucionar problèmas – e tanben èsser mai rapid en divèrsas activitats mentalas.
De mai, los estudis – fachs en la Universitat de Chicago – an pogut confirmar que pichons mainatges bilingües an mai grandas abilitats socialas que non los unilingües. Totun, que los petits qu’an qualque sòrta de contacte amb d’autras lengas tanben son mai rapids mentalament e melhors socialament que non los unilingües.
Aital, los mainatges multilingües son melhors en comprension e comunicacion que non los mainatges unilingües. E tot aquò mercés a la comprension de mai d’una lenga.
En los dos estudis realizats per aquesta universitat, s’a pogut confirmar que’ls mainatges multilingües dintran melhor en las experiéncias socialas e que tanben pensan quina poiriá èsser la perspectiva de l’autra persona quan aquesta parla. Los mainatges que solament parlan una lenga o que non an nat contacte amb d’autras lengas non considèran jamai quina pòt èsser la perspectiva d’una autra persona quan aquesta parla.
Mainatges amb melhor comprension
Al delà d’aquò, un dels dos estudis foguèt realizat amb mainatges qu’avián entre 16 e 18 meses – çò es que non parlavan o o fasián pauc -. En aqueste estudi, los petits multilingües comprenián melhor çò que demandava un adult – coma una banana – s’èran multilingües, pr’amor que l’adult o disiá en desparièras lengas.
Los pichons que solament parlavan una lenga solament comprenián una e pro. Aquò qu’ajudarà los paires unilingües que vòlon aver filhs multilingües, pr’amor qu’aquestes an, coma se pòt veire, desparièrs avantatges.
Christian Andreu
