APRÉNER LENGÜES AJUDA L’ACTIVITAT CEREBRAU

“Es mainatges aurián d’apréner mès lengües e se son pòc  comunes melhor. Atau auràn beneficis en l’activitat cerebrau – çò diguec Antonella Sorace, del Centre d’Ahèrs Bilingües dera Universitat d’Edinborg, en Escòcia -. E tanben ajudaràn a sauvar aguestes lengües dera sua propèra extincion”.

Sorace a hèt un estudi damb jubilats dera Isla de Skye e aguesti an hèt un cors de gaelic escocés.Dempús deth cors era atencion e eth pensament enes pròves  des jubilats auie crescut e fòrça. Era conclusion siguec qu’estudiar nòves lengües e qu’aguestes siguessen pòc  comunes ajuda l’activitat cerebrau des estudiants: eth multilingüisme ei bon peth cervèth.

Ath delà d’açò, diuèrsi estudiants ja auien demostrat que èster multilingüe ajuda es umans a pensar melhor e tanben a auer mès abilitats en apréner e aquerò poirie ajudar a arrestar era decadéncia mentau qu’auèm toti damb l’edat.

Eth quechua coma exemple

Es beneficis cerebraus venen, donques, segontes era professora Sorace, d’apréner lengües pau comunes coma eth gaelic escocés, eth sard o eth quechua, ua lengua parlada demest Colombia e Chile hè ja 2000 ans. Apréner lengües coma aguestes, çò ditz Sorace, ajudarà tanben a las sauvar dera extincion.

“I a fòrça gent que pensa qu’aguestes lengües non an d’auer nat supòrt – çò diguec Sorace ara Associacion Americana peth Progrès dera Sciéncia hè pauc – pr’amor que pensem que non traparan  nat benefici se se parlen e pr’aquerò non son ensenhades ath sòn hilhs”.

Pr’aquerò Sorace ditz que cau trapar era manèra de convèncer era gent d’apréner lengües coma aguestes pr’amor qu’atau es mainatges arreceberan diuèrsi beneficis includitz en eth multilingüisme. Entre aguesti compréner melhor es autes, auer ua mès grana atencion quan escoten e auer ua decadéncia mentau que demora mès en arribar pr’amor qu’eth bilingüisme ajuda a classar es causes mentauments d’ua manera mès eficaça.

Per tot açò Sorace concluditz en sòn estudi que cau parlar damb es politicis qu’ajudar lengües coma eth gaelic o eth cornic ajuda era santat mentau de toti. Ath delà, un aute estudi hèt pera Universitat de Pennsylvania a confirmat qu’eth bilingüisme cambia era estructura cerebrau e ajuda en ues mès granes abilitats de coneishement, utilizacion lingüística e mès facilitats entà apréner causes nòves.

Christian Andreu