ERA PRUMÈRA VELA SOLAR ESPACIAU

Era prumèra nau espaciau damb ua vela solar s’a enlairada entà l’espaci per prumèr còp en l’istòria de l’exploracion espaciau modèrna. E, maugrat tot çò que podem pensar, era base deth país des d’on siguec lençada era nau non ei cap poténcia mondiau pr’amor que gessec de Naua Zelanda.

Eth lençament dera nau damb aquera teconologia tan especiau passèc era setmana passada, quan ua nau espaciau de Rocket Lab s’enlairèc damb un petit satellit on i a ua grana vela solar destinada a har avançar er engenh dera madeisha nau espaciau.

Ua mission espaciau fòrça especiau

Non sigueren ne China, qu’a lençat eth prumèr austronauta chinés ar espaci non hè guaire, ne es Estats Units o Russia, qui lancèc aguesta nau espaciau. Naua Zelanda a ua basa de lençament de naus espaciaus e ac demostrèc quan s’enlairèc era nau dera mission « Beginning Of The Swarm » (Eth començament der Eishame), mès que mès des dera base de Mahia.

Aguesta nau siguec bastida per Rocket Lab, e era nau Electron transportaue dus satellits entà dus clients diferenti : NEONSAT-1, un satellit corean d’observacion de la Tèrra e ua vela solar compausada deth Centre de recèrca sus la tecnologia satellit (ACS3) dera Nasa.

NEONSAT -1 ei un satellit classic d’observacion de la Tèrra dedicat ara susvelhança de catastròfas naturaus ena peninsula coreana, l’ACS3, per contra ei on i a ua caisheta en fòrma de microòndas (de hèt qu’ei un rectangle de 23 x 23 cm sus 34 cm) que s’amaga laguens ua grana huelha metallica plegada e rotlada. Aguest tipe de velar solar ei un nàu genre de nau espaciau pr’amor dera sua tecnologia en espaci e que tanben pòt èster usada en satellits.

Ara, er objectiu qu’ei desplegar prumèr ua orbita terrèstra circulara d’apuprètz 1.000 quilomètres. Dempús gesserà ar exterior entà poder ajudar era nau espaciau a mòir-se. Segontes es engenhaires dera nau, cau comptar un temps de 25 minuts entà poder desplegar aqueras longas barras hètes de materieu compausat e on i a era vela solar.

Un còp desplegada, era vela hè 9 mètres de costat e serà utilizada entà mòir-se en espaci. Un deus objectius dera mission ei conéisher melhor quina velocitat pòt aténher ua nau espaciau damb ua vela solar entà saber se lèu es naus espaciaus poiràn utilizar aguesta naua tecnologia entà navegar en espaci.

Era Redaccion