Fa pas gaire una còla de biològs descobriguèt de virus gigants jos lo glaç de Groenlàndia. Malgrat que los primièrs virus gigants ja foguèron descobèrts pel primièr còp en 1981, aquò se debanèt a l’ocean e pas al glaç artic. Èran de virus qu’infectavan d’algas verdas a l’ocean. Mai tard tanben foguèron trobats de virus gigants en d’ecosistèmas terrèstres e encara en d’umans. Mas ara es lo primièr còp qu’aquel tipe de virus foguèron descobèrts en de glaç e de nèu ont i avián d’algas. A Groenlàndia poiriá èsser que los virus gigants regulèssen la creissença de las algas al glaç en tot las infectar.
“Quora arriva la prima los animals abandònan los sieus amagatals o començan a migrar vèrs lo nòrd. Mas lo glaç comènça a se retirar e la sieuna abilitat a l’ora de reflectir los Solei ven mendre, e aquò pòt accelerar la fonda del meteis glaç. E doncas es un factor mai del cambiament climatic, çò diguèron los cercaires ».
Un biais d’o contrarotlar
Totun, los cercaires creson aver trapat un biais de contrarotlar la creissença d’aquelas algas e amb aquò benlèu reduire amb lo temps la fonda de glaç de l’Artic. Per poder o far los biològs realizèron un estudi d’aquel fenomèn e trobèron la preséncia de virus gigants a la nèu e lo glaç qu’acceleran aquel fenomèn natural.
Los biològs creson que los virus se noirisson de las algas de la nèu e que poirián trabalhar coma un metòde de contraròtle natural del floriment d’aquel tipe d’algas. Los cercaires confessèron conéisser pas gaire sus aqueles virus mas pensan que poirián èsser utils a l’ora d’arrestar la fonda de glaç provocada per lo floriment de las meteissas algas.
« Es sonque qüestion de temps, çò diguèron los biològs. Un estudi mai prigond d’aqueles virus menarà a una responsa finala e poder arrestar la fonda de glaç pr’amor del floriment de las algas que i a al glaç. Avèm analizat lo glaç escur, la nèu ròia e de crionita, e ailà i avián de virus gigants. E aquò es lo primièr còp que se debana pr’amor qu’avèm trobat una preséncia plan nauta d’algas microscopicas a la nèu e lo glaç ».
Segon los scientifics, i auriá tot un ecosistèma al torn de las algas. A mai de bactèris i avián tanben de campairòls e d’autres organismes vivents que se noirissián d’aquelas algas a mai de divèrsas espècias de campairòls que, amassa amb de virus gigants, parasitavan las algas e las infectavan, e pr’açò demanan ara estudiar aqueleçs grands grops d’organismes vivents artics per poder, fin finala, contrarotlar lo floriment de las algas, qu’entraïnan una fonda del glà pus radpida. L’estudi foguèt publicat al numeric internacional Microbiome.
La Redaccion
