Segon lo títol, lo noste planeta que seré enqüèra un gigant misteriós, pr’amor la màger part de las espècias animaus qu’i demoran e son enqüèra desconegudas. Aquò ei çò que confirmè un navèth estudi hèit peu professor de biologia de l’Universitat Bloomington d’Indiana, Jay T. Lennon.
Aqueth estudi que’s debanè dinc a uei, en 2016, quan l’òmi modèrn deu sègle XXIau e pensava començar a conéisher un drin l’environament deu planeta. Lo navèth estudi que confirma que sus aqueste qu’i demoran, haut o baish, mei d’un trillion d’espècias, çò qui vòu díser que las espècias animaus que coneishem uèi ne son pas sonque ua gota per la mar grana a costat d’aqueths 99,99%. Çò qui vòu díser tanben que l’èste uman ne sap pas gran causa de la Tèrra.
Ua varietat susprenenta
L’estudi que s’apèra “Microbial biodiversity, it appears, is greater than we ever imagined”, e qu’estó publicat en la revista Proceedings of the National Academy of Sciences. Que permetó a Lennon e au son collèga, Ken Locey de confirmar ua lista de 5,6 milions d’espècias – mamifèrs e micròbis – hèit en amassar donadas de 35.000 lòcs de tot lo planeta.
Las listas d’animaus e plantas scientificas ne prenen pas en compte los micròbis e las bacterias d’acostuma – çò digó Lennon – mes tà compréner la biodiversitat que cau includir shens qu’una lista de plantas e animaus mes tanben d’aqueth tipe d’organismes. Au delà d’aquò qu’avem utilizat ua escala biologica entà poder predíser quants d’animaus e plantas i a sus la Tèrra”.
Lo projècte que començè en 2011 quan la medisha equipa e trobè qu’i avèva dejà mei de 8,7 milions d’espècias eucariotidas – que son organisms dab cellulas complèxas, com los animaus, las plantas, etc -. Après, lo Projècte Microbioma de la Tèrra que podó catalogar mei de 10 milions d’espècias de micròbis suu planeta.
Tot aquò qu’ei enqüèra luenh deu trillion d’espècias preditas mes los scientifics qui hasón l’estudi que defenen l’idea qu’aquò ei com ensajar de har ua mapa de la Via Lactèa que l’espècia umana e plaça tostemps au cèu. La totalitat deus planetas e estelas qu’i a en l’espaci qu’ei vertaderament de mau imaginar tà l’òmi de 2016. La totalitat de las espècias animaus e organisms qu’i a sus Tèrra ei, donc, tanben luenh de la nosta comprenença. Mes dab aquera lista, l’òmi qu’a enqüèra ua escadença de compréner miélher lo planeta on demora.
Redaccion
