Las caunas de marbre es un dels luòcs mai polits de Chile, en tot èsser una formacion de carbonats de calci situats al torn del lac General Carrera.Aquelas formacions, son tanben conegudas coma las caunas de marbre, e son una sèria de pichonas illas situadas a paucs mètres de la riba, atanplan conegudas amb los noms de Capèla de Marbre , Cauna de Marbre e Catedrala de Marbre .
Las caunas de marbre se tròban en Patagònia, en Chile, al long de la frontièra naturala entre Argentina e Chile, al bòrd del Lac General Carrera atanben nomentat Lac Buenos Aires, e son sens dobte un dels luòcs dins la planeta amb los païsatges mai espectacloses que i a al mond.
L’erosion fluviala coma causa
La zòna s’espandís al long, d’aperaquí, 200 quilomètres entre Chile e Argentina, e en aquel luòc, pr’amor de l’erosion fluviala, i a tot un mond jos tèrra amb totas las tomalitats de la color blanca que podèm imaginar. Es pr’aquò una de las meravilhas naturalas mai bèlas del continent american, e se poiriá dire qu’es coma visitar un mond de marbre blanc.
Dins lo lac una part de marbre crosa la zòna dempuèi Pòrt Guadal fins la limita de la comuna de Rio Ibáñez, e lo païsatge que podèm veire es simplament estonant: i trobarèm de parets amb desparièras colors, e desparièras tomalitats, e i a una divèrsa gamma de colors grisas, blavas e tota la gamma de blancs en dependent de la puresa del quars.En la ribièra nòrd se tròba lo Santuari de la Natura, e la Capèla de Marbre, de granda valor geologica, e las bèlas formacions de marbre son pro grandas per permetre la navegacion dins son interior.
Las caunas de marbre son de formacions geologicas de granda beutat, amb un marbre blos banhat per d’aiga de l’estanh General Carrera. Aquel lac es noirit per de fluvis que descendon dempuèi los glacièrs dels Andes de Patagònia. Lo reflèxe de la lutz del solelh en l’aiga mòstra una varietat de brillantament tras qu’excepcionala e se pòt veire pas en d’autres luòcs del mond.
Se pòt arribar a aquelas formacions geologicas amb de pichons baissèls dempuèi lo vilatge de Pòrt Rio Tranquilo, situat en la comuna de Rio Ibáñez, a 223 km de Coyhaique, lo capluòc de la Region d’Aysén. Es aicí ont se pòdon logar pichons baissèls e crosar amb eles l’airal de la, tanben celèbra per sa beutat, Catedrala de Marbre.
Un article d’Andrés López*
*Dempuèi uèi trobarètz una pichona biografia dels redactors de Sapiéncia en la seccion Qui sèm.
Aqueste article es tanben publicat dins Naturaleza Salvaje, un numeric de geografia e l’environament, que Sapiéncia n’a un acòrdi de cooperacion
