Una còla de geològs descobriguèt una prètzfach alarmant. Fins ara èra estat dich que l’èsser uman aviá pogut cambiar las caracteristicas fisicas de la planeta pr’amor de la siá existència. Aquò s’es pas debanat totjorn aital. Sonque dempuèi 1950 lo mond sembla cambiar mai lèu e d’un biais plan mai prigond pr’amor de l’accion umana. E la sciéncia nomentèt l’epòca actuala coma Antropocèn, pr’amor d’aquela òrra influéncia. La descobèrta es alarmanta pr’amor qu’ara ja i a de ròcas formadas per de plastic.
E òc, de cercaires descobriguèron qu’a l’illa de Trindade, a Brasil, se formèron de ròcas qu’an de plastic mesclat amb d’autres minerals. Foguèt una suspresa granda pels geològs e tanben deuriá o èsser per l’umanitat tota car lo futur que se poiriá debanar a la planeta blava (tanben coneguda coma la planeta del plastic) es brica clar.
Cap luòc sens pollucion umana
Trindade es una luenha illa brasilièra e tanben demostrèt que la pollucion umana i arriba e plan. Car los cercaires i trapèron plusors ròcas formadas per divèrses materials minerals mas tanben de plastic. Un prètzfach jamai passat abans en l’istòria de la geologia. Segon los cercaires, es una descobèrta “òrra” que deuriá provocar una rapida mas tanben prigonda pensada de totes se volèm pas trapar un jorn que demoram una òrra planeta facha sonque de plastic.
Los cercaires nomentèron de biais provisòri aquel tipe de roca coma plastiglomerats en tot esperar se ne trapan mai o son sonque una òrra excepcion a çò que poiriá venir un jorn pròplèu lo futur del mond. Los plastiglomerats son ara scientificament de ròcas fachas amb de sediments e d’autres minerals amassats per de plastic. Al costat d’aquelas an trobat tanben un autre tipe de roca, las plastipèiras, amb una composoicion pus omogenèa, car semblan de ròcas ignèas naturalas mas son , d’eficèh, fachas de plàstic e d’autres minerals.
La Redaccion
