Se debana pas gaire sovent poder trapar de rèstas fòssilas de dinosaure e d’una espècia de dinosaure tant coneguda coma un spinosaurid. E mens encara a Euròpa. Mas, òc, car una còla de cercaires descobriguèt los òsses fossils d’una nòva espècia d’Spinosaure iberic prèp del vilatge valencian de Vallibona (comarca dels Pòrts). L’espècia foguèt classada scientificament coma Vallibonavenatrix cani e onorar aital la region.

La tròba foguèt publicada al numeric Cretaceous Research que confirmèt que, maugrat èsser una familha de predators (Spinosauridae) que se pensava que solament ne demorèt en Africa (pr’amor de la descobèrta de los primièrs especimèns a Egipte e Nigèr), ara se poguèt confirmar que tanben visquèt en Euròpa. Lo dinosaure foguèt trapat per una còla de cercaires de l’Universitat de Lisbona, e de l’UA de Madrid.

Una familha de predators

Los meteisses scientifics que classèron Vallibona soslinhèron que l’espècia aguèt coma environament durant lo Cretacèu Inferior lo parçan dels Pòrts valencian e mai encara las montanhas de la Formacion Morella, qu’es ont foguèt trapat. Vallibona aperten a la familha dels Spinosaurids, un grop de dinosaures carnivòrs de l’epòca qu’encara èra pas estat jamai trapat a la Peninsula Iberica mas qu’es estat sovent trobat al Nòrd d’Africa, America Meridionala o encara Asia. A l’Euròpa continentala encara èra pas estat trobat maugrat que se ne trobèron d’òsses d’una espècia prèpa a Anglatèrra.

Los spinosaurids foguèron de predators fòrça tipics car lor cran semblava lo d’un crocodil e avián una cresta tras que longa al long de l’esquina. A mai, èran plan mai grands que Tiranosaurus rex, un dinosaure que demorèt jamai a la quita epòca nimai al quite continent (car demorèt a America del Nòrd) e pr’aquò los cercaires tornèron afirmar que jamai poirián s’aver trobat pendent lo passat de la planeta.

Fins ara sonque èran estats trapats d’òsses fossils d’un autre spinosaurid a Anglatèrra lo nomentat Baryonix, un autre tipe d’spinosaurid, de talha fòrça mai pichona. Lo fossil de Vallibona fasiá una talha d’entre 8 e 9 mètres de nautor a aquò fa d’aquela espècia un predador de talha mejana al Cretacèu. Totun, los scientifics confirmèron que cal far mai d’analisis car aquela tròba poiriá voler dire que benlèu a la Peninsula Iberica i visquèron autras espècias d’spinosaurids (e aquò pr’amor que Vallibona semblariá èsser mai pròche a l’Spinosaurus original african o encara l’spinosaurid asian Ichtyovenator que l’anglés Baryonyx.

La Redaccion