En 1899 Albania encara èra ua part mès der Empèri Otoman. Eth sòn territòri qu’ère dividit en quate regions administratiues; Kosovo, Scutari, Bitola e Ioannina. Dempús dera guèrra que i auec entre Russia e Turquia, Sèrbia demanèc diuèrsi territòris com eth sud de Sèrbia, eth sud-èst de Montenegro e enquia Kosovo, Gucia e Bar. Es grècs tanben demandèren ua part der Epir.

En aquera epòca, es albanesi demorauen en bèri uns d’aqueri territòris e es sòns dirigents podèren descorbir que, se non ère amassa, jamès poirien capitar ara ora de subervíuer coma nacion. Pr’açò siguec creada era Liga albanesa de Prizren.

Aguesta liga demanèc era autonomia entara ciutat albanesa d’Ohrid e se mostrèc contrària ara annexion de Montenegro. Siguec causida era resisténcia armada, e en 1879 i auec ua batalha en Bošo Petrović entre ua petita armada albanesa e ua auta de montenegrina. Es otomans i envièren tanben era armada.

Quan es grècs aucupèren era region der Epir non podèc hè’c, a era sua armada se retirèc. Es albanesi contunhèren era sua luta armada contra es otomans en Pristina e en d’auti lòcs. Quan i auec era guèrra entre es grècs e es turcs de 1897 es albanesi tanben se manifestèren en tot demanar era union de toti es albanesi.

Des 1910, a mès, eth movement Bessa comencèc a demanar era autonomia d’Albania laguens er Empèri Otoman e i auèren diuèrses revòutes albaneses pendent 1911 e 1912. Era armada otomana siguec enviada a Albania un aute còp a tuèren 3.000 albanesi.

Es albanesi luten pera sua libertat

Totun, en 1912 es albanesi aucupèren Skopje en 1912, pendent era guèrra entre es otomans e era Liga des Balcans. Siguec alara qu’Albania, damb eth supòrt des austrians, declarèc era sua independéncia eth 28 de noveme de 1912. Pendent era fin der an i auec ua conferéncia de patz en Londres.

Era independéncia d’Albania siguec accpetada a nivèu internacionau en 1913. Eth 60% deth territòri damb albanesi venguec independent. Era rèsta se n’anèc a d’estats vesins. Es albanesi auèren eth supòrt des austrians e tanben des italiani.

Maugrat qu’es grècs contunhèren de demanar eth nòrd der Epir era majoritat d’estats europèus reconeishèren era independéncia d’Albania de 1913. Encara i auec ua petita guèrra en 1921 entre albanesi e sèrbis, croates e eslovens qu’acabèc lèu pr’amor dera intervencion dera Societat de Nacions. E, atau, Albania neishec coma estat internacionau en 1913 maugrat qu’ei era istòria d’un país europèu fòrça pòc occidentalizat.

Era Redaccion