“ L’estudi demòstra que la via principala per l’infeccion d’aquela malautiá es la via respiratòria, çò diguèt Renyi Zhang, d’aquela universitat. Cresèm que solament a la vila de Nòva York se serián estats infectats fins a 66 000 ciutadans mai sens l’usatge de mascas. Per ansin, l’utilizacion de mascas en public es la manièra mai bona d’empachar la transmission de la Covid19”.

En mai d’aquò, los cercaires que faguèron aquel estudi scientific confirmèron que la distància sociala tanben es plan bona a l’ora d’arrestar aquela malautiá. Segon aqueles cercaires l’usatge de mascas es clau a l’ora d’alendar pas de particulas atmosfericas que pòdon èsser a l’aire e que pòdon viatjar plan dins aquel pendent dètz o mai minutas.

Un usatge annadièr

Segon Zhang “ i a de personas a China qu’utilizèron de mascas pendent d’annadas pr’amor de la contaminacion de l’aire al país. E pr’aquò an la costuma d’usar una masca totjorn. Aquò seriá clau a tota la planeta se volèm realament finir amb aquela malautiá. La pandemia de la Covid19 es pas pus granda pr’amor qu’a fòrça païses i a distància sociala a  mai de mascas en public.

“La distància sociala jornalièra, l’usatge de mascas en public e l’igièna corporala mas sustot de mans ajudariá plan a l’ora de luchar contra la Covid19 e l’arrestar d’un biais definitu, çò apondèt Zhang. Sonque amb aquò es plan malaisit per una persona de s’infectar amb lo coronavirus”. L’estudi foguèt publicat al numeric Proceedings of the National Academy of Sciences.

La Redaccion