Aital, l’estudi publicat dins aquela revista confirma que la comunicacion crèa la memòria e qu’un utilizaire pòt refortir la memòria d’un autre en tot repetir los faches: oblidarem los faches non partejats amb los autres. Es çò que se nomena “mecanisme de convergéncia” pr’amor qu’un grop de personas es d’acòrdiper explicar mai o mens un fach d’una determinada manièra.

Lo grand esplech per crear de remembres

Aquò tanben se debana dins los grops socials, e Facebook es, segon aquel article, lo grand esplech per crear de remembres. Un fach seriá pro estonant: la majoritat dels adultes britanics recebon d’informacion solament a travèrs dels malhums socials. Aquò confirmariá que los divèrses grops influisson sus nòstres remembres. Malgrat tot, i a de remembres entre un grop de l’exterior e çò qu’a luòc dins la vida reala –aquò pòt corregir la version del fach mas, de còps, aqueles existisson pas e aquò donariá pas als grops l’escasença de defendre de versions pauc realas.

Tot aquò arriba quand es conegut que las nòvas non realas son de mai en mai perilhosas. Fa gaire, lo president estatsunidenc, Donald Trump, parlèt d’un atemptat que se seriá debanat en Suècia. Puèi, los mejans d’informacion diguèron qu’aquò èra pas vertat. Tròp tard? Dins Internet i a fòrça informacions scientificas non vertadièras e l’Universitat d’Stanford ja confirmèt que la majoritat dels joves d’uèi lo jorn sabon pas desseparar un fach irreal d’un real.

La ment umana de còps s’engana. Qual pòt pas dire que, dins un an, nos remembrarem coma real un fach fals ? Divèrses policitians ja an ensajat d’interpretar la realitat abans, especialament los nazis, pendent los ans 1930: mas après Goebbels divèrses estats occidentals de la planeta o fan de temps en temps. E l’article de Nature avisa que los grops socials pòdon aver tanben una granda influéncia sus nòstra memòria.

La memòria individuala, pauc cha pauc, çò dison los scientifics qu’an fach aquel estudi, serà de mai en mai barrejada amb la memòria collectiva. E se sèm arribats a aquel ponch, lo totalitarisme es pròche. E benlèu alavetz es ja tard.

La Redaccion

Aqueste article serà tanben publicat dins Jornalet, lo primièr quotidian en linha de lenga occitana, amb lo qual Sapiéncia a un acòrdi de cooperacion.

Maugrat aver mai de 19 ans, Tencent es una companhia qu’aufrís de jòcs e un servici de messatjariá, WeChat, al mercat chinés. Ara es arribada a aver una valor de capital, la setmana passada, de mai de 530 bilions d’euros. Facebook es demorada al segond luòc amb solament 528,5 milions d’euros.

Aquelas chifras an coma causa la nauta participacion dels chineses als jòcs electronics – mai de 750 milions utilizaires -, las aplicacions de messatjariá e d’autres. Al mercat chinés las primièras entrepresas que balhan aquestes servicis son Tencent e Alibada, una autra companhia chinesa qu’es tanben entre las primièras.

La primièra companhia chinesa del club

Tencent seriá, amb aquelas chifras, la primièra companhia chinesa que dintrariá al club nomenat dels “miei trilions”. E lo prètz de l’entrepresa es mai del doble qu’ara fa solament un an.

Aquò mercés als servicis de divèrses jòcs de ròl numerics, coma Honour of Kings, que ja a mai de 200 milions d’utilizaires. Lo prètz de Tencent es ara aital que una inversion de 1000 dolars en
2004 ara costariá 1 milion de dolars.

De mai, los servicis de WePay, Alipay e Alibada tanben aurián ajudat e plan montar lo prètz de Tencent los darrièrs meses. La majoritat dels utilizaires utilizan aqueles servicis a travèrs lo telefonèt que ja i a mai d’un bilion d’smartphones en China uèi lo jorn. Segon una enquesta realizada fa pauc los mai vielhs – fins a 88 annadas – tanben aurián acceptat ben l’utilizacion de las nòvas tecnologias. “E mai lèu qu’en Occident”, çò diguèt Zhao Chen, director d’una companhia de Plug and Play en China.

Aital, d’entrepresas occidentalas coma Appel, Alphabet, Microsoft e Amazon tanben son grandas en China, mas patisson de restriccions a Internet per part del govèrn chinés. E aquò ajuda pas la sieuna economia.

Lo senhorejament de WeChat de Tencent auriá metut los competitors dins una marrida posicion, coma Apple, pr’amor que los telefonèts chineses pòdon pas dintrar dins lors servicis pr’amor que foncionan pas amb la maquinariá d’Apple. Tencent soleta auriá mai d’un bilion mensual d’utilizaires qu’utilizan servicis de messatjariá, premsa, pagament, de jòcs e publicacions. E Facebook solament n’a 2 bilions mensuals en tota la planeta.

La manièra de trabalhar de Tencent es desparièra de la d’Amazon o Facebook – basada en la publicitat – pr’amor que vendon simbòls e caractèrs dins los jòcs. Alibada, d’un autre costat, fa pagar las companhias que vòlon aver de publicitat als jòcs. Çò qu’es contrari a l’esperit capitalista de las entrepresas occidentalas.

La Redaccion

Tot aquò significa un cambi de cicle ? Facebook ja a 13 ans e Twitter 10. Nòus mecanismes tecnologics començan a aver de mai en mai utilizaires: Instagram e Whatsapp. Pr’aquò Facebook comprèt aquestes entrepresas en 2012. Benlèu ja vesiá quin seriá lo futur del mercat tecnologic mondial.

Uèi Instagram ja a mai de 500 milions d’utulizaires e contunha de créisser. Paucs par rapòrt als 1790 milions qu’aviá en 2016 Facebook mas mai que Twitter qu’a demorat amb una modèsta chifra de 313 milions d’internautas actius. E aquestes nòus malhums socials, Instagram e Whatsapp, gaudisson d’una activitat fòrça mai viva que Facebook o Twitter. En aquestes, la majoritat dels utilizaires ditz las utilitzar per parlar, veire vidèos, escotar musica o cercar de saber que fan los autres. Semblariá, doncas, qu’una granda part dels utilizaires gardan çò que fan los autres sens s’i implicar. E Facebook e Twitter foguèron pas creats per aquò.

Bona part de las nòstras vidas

Se pòt pas arribar a dire que la gent es fatigada de Facebook o Twitter, pas encara, pr’amor que milièrs de personas en grops divèrses d’interèsses coma la sciéncia, l’istòria, l’actualitat, lengas, contactes, geografia, o natura demostran cada jorn la sieuna vitalitat. Totun, a nivèl personal lo silenci comènça d’èsser majoritari e a nivèl professional encara son una bona inversion per se far conéisser al public internacional.

Un exemple d’aquò, sens anar lonh, ne serián las relacions qu’una pagina coma Sapiéncia a amb Facebook e Twitter. Las chifras mòstran qu’aqueste site dedicat a la sciéncia e l’istòria en lenga occitana es arribat a aver un 40% de lectors occitans –pas totes pr’amor que tanben i a fòrça legeires bretons -, un 42 % catalans ( de totes los païses de parla catalana ) e l’autre 18% de legeires son d’autres païses – majoritàriament Estats Units, Reialme Unit e Itàlia mas tanben de Quebèc, Brasil o Eslovaquia. Aquesta diversitat solide que s’auriá pas arribat a aténher sens d’utís coma Facebook o Twitter mas tanben Google+ (força minoritari) e lèu Instagram.

Totun, lo malhum sembla mostrar senhals de fatiga. La publicacion de fotòs de personas que solament vòlon desirar bona nuech o que mòstran paisatges polits semblariá ja fatiganta. Benlèu pr’aquò, dison los expèrts, fòrça utilizaires semblan mostrar fatiga en Facebook e Twitter. Al delà d’aquò i a gent que vòl pas de cap manièra dintrar en aquestes grops socials. Que son pas paucs.

Benlèu tanben las rasons poirián èsser la cèrca personala d’interaccions mai originalas e pas tant bon astre individual davant los autres o benlèu una cèrca d’activitat mai privada pr’amor qu’aquò vist per totes laissa d’èsser original.  En aquò las publicacions professionalas coma las revistas, jornals o tanben ràdios an un avantatge sus las de personas individualas. Mas aquò tanben poiriá èsser considerat pas un dògma.

Malgrat tot, lo mond de la tecnologia es un mond que cada an a de novetats. E l’aparicion de nòvas tecnologias o malhums socials en Internet pòt far cambiar l’utilizacion d’aquestas en pòc temps. Lo malhum social creat per Zuckenberg es uèi lo jorn majoritari en tota la planeta mas se pòt pas dire que serà etèrn. De segur que i auràn nòvas mòdas e que l’utilizacion que se ne farà serà divèrsa. Una caracteristica de l’umanitat.

Christian Andreu

D’ en primièr, cal pensar que, abans, se un parlant d’una lenga minoritària se’n anava del sieu territòri non la podiá pas pus parlar amb degun. Pasmens, las tecnologias digitalas coma Facebook o Twitter permèton al jorn d’uèi que poscam parlar amb de gènts de l’autra part del mond dins la lenga que volèm.

De mai, ja comença d’aver de traductors automatics escriches que permèton de far d’aprochaments a las lengas minoritàrias. Un bon exemple ne seriá lo traductor d’occitan gratuït en linha qu’a installat lo govèrn catalan sus Internet.L o cal melhorar encara, mas benlèu una segonda o tresena version serà ja fòrça semblanta a la realitat.

I a de rasons per l’optimisme

Al delà d’aquò, ja existisson de traductors orals d’aplicacions pels telefonets que permèton la traduccion de frasas dins las lengas mai utilizadas al mond. Benlèu es question de meses e los parlaires de lengas minoritàrias atanben los podran utilitzar amb lo telefonet. Aquò ajudariá e plan la intercompreneson mutuala entre nacionalitats. La sieuna aparicion es doncas solament question de temps.

Los afogats de las nòvas tecnologias digitalas creisson en nombre e las ajudas e trabalh en favor de las lengas minoritàrias tanplan.Cal encara aver de subtítols dins los programaris coma Youtube, la television o d’autras aplicacions telematicas. Mas la lucha es pas encara finida.

La tecnologia digitala doncas pòt arribar a èsser un plan bon utís per lo desvolopament e creissement de las nomentadas lengas minoritàrias coma lo breton dins l’estat francés, lo gaèlic dins lo Reiaume Unit o l’asturian dins l’estat espanhòl. I a de causas qu’ara se pòdon far e solament fa 20 ans non se podian pas far. I a de rasons per l’optimisme.

Cal far un esforç que benlèu passariá per l’union de las pichòtas nacionalitats a l’ora de trabalhar digitalament amassa. Aquò fariá aqueste esfòrç mai aisit dins una lucha que uèi coma ièr es en tot una causa justa.

La Redaccion

At vero eos et accusamus et iusto odio dignissimos ducimus qui blanditiis praesentium voluptatum deleniti atque corrupti quos dolores et quas molestias excepturi sint occaecati cupiditate non provident, similique sunt in culpa qui officia deserunt mollitia animi, id est laborum et dolorum fuga. Et harum quidem rerum facilis est et expedita distinctio. Nam libero tempore, cum soluta nobis est eligendi optio cumque nihil impedit quo minus id quod maxime placeat facere possimus, omnis voluptas assumenda est, omnis dolor repellendus. Temporibus autem quibusdam et aut officiis debitis aut rerum necessitatibus saepe eveniet ut et voluptates repudiandae sint et molestiae non recusandae. Itaque earum rerum hic tenetur a sapiente delectus, ut aut reiciendis voluptatibus maiores alias consequatur aut perferendis doloribus asperiores repellat.