Lo tè verd es sinonim de regim e de bona santat. La majoritat de las siás proprietats venon del biais de produccion. Es fach de fuèlhas non oxidadas, non fermentadas e torradas de biais artesanal per preservar las siás qualitats. Conten fòrça antioxidants coma las catequinas, los polifenòls e las vitaminas B e C.

Aquò ajuda a luchar contra lo temps al nivèl cellular pr’amor de la siá vitamina C, redutz lo colesteròl e ajuda a prevenir cèrtas malautiás cardiovascularas e tanben contribuís fòrça a combatre cèrts càncers. Demesís la graissa corporala e tanben ajuda a luchar contra l’estransi e melhora las foncions cerebralas mercés a la teanina.

Divèrses biaisses de lo consumar

En Asia, foguèt creada la ceremònia del tè (en Japon) per lo poder plan consumar. Per o poder far, cal causir de fuèlhas de tè qualitosas: de matcha, de gyokuro, de gunpowder, de long jing, de ceylan o de darjeeling. Es preferible de consumar lo tè verd abans o après manjar e de lo consumir pas après 17h pr’amor de la siá teïna (cafeïna). E es necite de beure pas mai de 3 tassas jornadièras.

Tanben pòt èsser consumat de diferentas manièras. La version classica es l’infusion cauda. Cal aver 225 ml d’aiga e un culhieron de fuèlhas de tè. Quand l’aiga bolhís, i cal getar las fuèlhas e las daissar 3 minutas. Puèi cal filtrar la bevenda e la consumar amb de sucre o de mèl.

Amb lo tè verd de tipe matcha, las fuèlhas son una polvera que serà getada dins l’aiga cauda. Per far lo matcha usucha, cal un culhieron e mièg  de polvera de tè de matcha (tè verd japonés) e una tassa de 60 ml d’aiga un pauc cauda. Puèi cal agitar lo tè, lo metre dins una autra tassa e lo beure lèu.

Per consumar un tè verd glaçat, per contra, cal metre un pichon sac de tè o un culhieron per persona dins una tassa amb d’aiga freja. O cal daissar aquí entre 4 e 8 oras. Puèi lo pichon sac de tè serà retirat o filtrat. La bevenda serà consumada amb de glaç, de limon o de mèl.

La Redaccion

Aqueste article serà tanben publicat dins Jornalet, lo primièr quotidian en linha de lenga occitana, amb lo qual Sapiéncia a un acòrdi de cooperacion.

Fotografia principala: Dhamd/CC.