Home GEOGRAFIA LO 99% DE L’AIRE ES POLLUIT
LO 99% DE L’AIRE ES POLLUIT
0

LO 99% DE L’AIRE ES POLLUIT

0

La situacion de l’aire de la planeta poiriá pas èsser pièger. Aquò es çò que confirma lo recent estudi fach per l’Organizacion Mondiala de la Santat (OMS) sus la qualitat de l’aire suls cinc continents. E la situacion es tras que grèva pr`amor que, dempuèi  d’annadas, i a mai de 13 milions de mòrts per an provocadas dirèctament per l’aire polluit de nòstra Tèrra.

Tot aquò es, segon l’OMS, plan perilhós per la santat umana.

En mai d’aquò, l’OMS tanben a volgut avertir la populacion mondiala que lo 99% d’aquesta alena d’aire fòrça polluit, una menaça dirècta sus la santat de totes. La resulta arribèt après l’analisi de donadas de mai de 6000 vilas de 117 païses. E la màger part d’aquel aire es doncas òrra.

Segon aquelas tristas chifras, lo director general de l’OMS, Tedros Adhanom, a remembrat que caliá accelerar encara mai la transicion vèrs de sistèmas d’energia mens polluents abans que foguèsse tròp tard. E per o far, cal revisar los estandards nacionals de qualitat de l’aire dins un fum d’estats de la planeta. Puèi se devon restacar a çò que recomanda l’OMS.

Mai de pauretat vòl dire mai de pollucion

En mai d’aquò, l’OMS a tanben soslinhat qu’es justament dins los païses mai paures de la planeta que sonque un 1% de vilas e vilatges an un aire de tot en tot non polluit. Segon aquel estudi, ailà los nivèls de dioxid de nitrogèn (un dangierós polluent urban) son fòrça nauts e i a fins a 2000 vilas de mai que son ara en una situacion pièger que la descricha dins lo darrièr estudi fach per l’OMS (e la sèria comencèt en 2011).

l’OMS a remembrat que caliá accelerar encara mai la transicion vèrs de sistèmas d’energia mens polluents.

Tot aquò es, segon l’OMS, plan perilhós per la santat umana, perque la màger pollucion de l’aire provòca de mai en mai de malautiás cardiovascularas e cerebrovascularas. “Lo naut prètz de l’energia, la non-seguretat d’aquesta e l’urgéncia de metre fin a aquela gigantassa pollucion, çò a dich Tedros Adhanom, director general de l’OMS, mòstran que cal passar rapidament a d’autres tipes d’energia”.

Coma resulta d’aquelas terriblas chifras environamentalas que pòdon agreujar dirèctament la santat umana, l’OMS prepausarà ongan lo Jorn Mondial de la Santat lo 7 d’abril venent entre d’autras alternativas educativas. Tot çò que cal per assajar, çò a apondut dempuèi alara l’OMS, d’empachar 13 milions de mòrts annadièras pr’amor que lo 99% de l’aire de la Tèrra es ja plan polluit”.

La Redaccion

Aqueste article serà tanben publicat dins Jornalet, lo primièr quotidian en linha de lenga occitana, amb lo qual Sapiéncia a un acòrdi de cooperacion

 

 

 

 

 

 

 

 

Christian Andreu Nasquèt a Barcelona en 1972, estudièt jornalisme a l’Universitat Autonòma de Barcelona e son especialitat es la politica internacionala. Parla uech lengas dont l'occitan. A publicat lo libre Art i Lletres a Horta-Guinardó e a collaborat totjorn amb de jornals catalans, bascos e occitans coma La Veu del carrer, El Punt, Egin, A vòste e Jornalet. Es maridat, a dos enfants, Jana e Roger, e demòra a Reus.