LA SONDA JUNO JA A ARRIBAT A JUPITÈR
Ièr la sonda espaciala Juno, lançada a l’espaci en 2011, arribèt a Jupitèr, lo gegant de gas del sistèma solar. La pichona sonda a pogut dintrar dins l’atmosfèra de Jupitèr en una nòva visita a aquesta planeta, ja visitada per l’umanitat en 1974. La tòca es estudiar ara las originas de la planeta, aital coma la sieuna atmosfèra, estructura e massiva magnetosfèra.
Juno a dintrat en orbita sus Jupitèr prèp del pòl nòrd d’aquesta planeta e ja a pogut ofrir una perspectiva unica amb de fotografias de las quatre lunas qu’a Jupitèr, Io, Ganimèdes, Euròpa e Callisto. Après la sieuna arribada, la pichona sonda Juno a començat a enviar donadas sens prètz als scientifics de la Tèrra.
La setmana passada Juno ja aviá dintrat dins la magnetosfèra de Jupitèr. Alavetz detectava un cambi en las particulas de l’espaci. L’environament de Juno laissava d’èsser dominat pel vent solar interplanetari e dintrava en la magnestosfèra d’aquela planeta per estudiar l’auròra, la gravitat e lo camp magnetic de Jupitèr.
Un estudi interdisciplinari
Après començar un estudi de las desparièras particulas e la sieuna velocitat, un efecte nomenat radiacion, la NASA ja a recebut las primièra donadas qu’ajudaràn a protegir melhor las naus espacialas en futurs viatges a aquesta o d’autras planetas. La densitat d’aquestas laissèt d’èsser de 16 /cm3 a un centèn menor, çò que confirmèt la dintrada en orbita dins Jupitèr.
Juno es una sonda espaciala qu’a utilizat lo vent e l’energia solar après laissar la Tèrra e far lo viatge fins a Mart. En tot arribar a Jupitèr los scientifics vòlon conéisser la composicion del camp magnetic de Jupitèr pr’amor qu’encara non es conegut lo material que produsís aqueste camp magnetic.
En tot dintrar dins la magnetosèra de Jupitèr, Juno detectèt la preséncia d’una estructura totalament desparièra. “L’estructura d’aquesta frontièra entre la magnetosfèra e l’espaci exterior de Jupitèr es fòrça complèxa – çò diguèt Barry Mauks, del Laboratòri de Fisica Aplicada Johns Hopkins-. Avèm programat Juno tanben per poder far un estudi detalhat d’aquesta frontièra e la sieuna estructura”.
Christian Andreu
