La baia d’Halong es situada al nòrd de Vietnam dins un airal de prèp de 1.500 km², en un luòc estonant banhat per d’aigas del Gòlf de Tonking e qu’aperten a la provincia de Quang Ninh, fòrça pròcha a la frontièra amb China.
Tanben es celèbra amb los noms de baia d’Along, baia d’Ha long o encara amb lo nom vietnamian de Vinh Ha Lonh (Ha Long vòl dire Drac que tomba). A un paisatge tras qu’estonant declarat Patrimòni de l’Umanitat per l’UNESCO en 1994 e des de 2011 es considerada coma una de las set meravelhas naturalas de la planeta. Dins i a un grand nombre d’illas e atanben d’espectaclosas caunas dins un airal protegir de mai de 150.000 hectaras.
La baia d’Along s’espandís al long d’una còsta de 120 quilomètres e es formada per mai de 2 000 pichonas illas de pèira que fòrça d’elas an pas res dins (son voedas) e qu’an de grandas caunas dins. La cauna mèger es la Cauna d’Hang Da u Go.
Una cauna que cal visitar es la Cauna de las Meravelhas mai coneguda entre los vietnamians coma Hang Sung Sot. Es dins una pichona illa que descobriguèron los franceses e s’i pòt dintrar sonque amb una escala per amor que cal montar mai de 30 mètres per poder i dintrar. La Cauna d’Hang Sung Sot a divèrsas cambras e sonque tres pòdon èsser visitadas pels toristas. La primièra es pichonèla. La segonda es mai granda e amb de formacions naturalas estonantas.
La baia d’Halong es situada al nòrd-oèst de Vietnam. La baia comença al districte de Yên Hung, e travèrsa la vila de Ha Long e Cam Pha, al districte de Van Djon, e a la limita meridionala amb lo Gòlf de Tonkin, amb China al nòrd e l’illa de Cat Ba a l’oèst e lo sud-oèst.
Lo clima de la zòna es divèrs al long de las sasons; los estius son plan umits e cauds e los ivèrns secs e fregs. La millor epòca de l’an per la visitar son los meses de novembre e mai.
Çò que se pòt far per la visitar es i anar amb vaissèl car i a fòrça vaissèls que la traversan. Suls vaissèls se pòt far tai-chi e agachar al còp lo meravelhós paisatge que i a en aquela baia.
Tanben pòdon èsser logats de caiacs per anar d’illa en illa e encara mai s’arrestar per far trekking coma fasián los ancians explorators. Los vilatges de pescaires que i a dins de la baia tanben son estonants e i demòran pus de 1 600 personas que vivon en de pichonèlas cabanas que i sus l’aiga.
Una lucha amb de dracs
Segon la legenda locala, fa fòrça temps, quand los vietnamians luchavan contra l’enemic chinés qu’arribava per la mar, l’emperaire de Jade envièt una familha de dracs del cèl per los ajudar a defensar lor tèrra.
Aqueles dracs escopissián de joièls e de jade. Los joièls venguèron d’illas grandas e pichonas e s’amassèron per formar una muralha contra l’enemic chinés. Aital poguèren enfonzar lors vaissèls. Aprés aquò far creèron lor país, que seriá fòrça mai tard conegut coma Vietnam.
Un article d’Andrés López*
*Dempuèi uèi trobarètz una pichona biografia dels redactors de Sapiéncia en la seccion Qui sèm.
Aqueste article es tanben publicat dins Naturaleza Salvaje, un numeric de geografia e l’environament, que Sapiéncia n’a un acòrdi de cooperacion
