Home SCIÉNCIA VÈNUS QUE PODERÉ ESTAR LO PLANETA PURMÈR DAB VIDA
VÈNUS QUE PODERÉ ESTAR LO PLANETA PURMÈR DAB VIDA
0

VÈNUS QUE PODERÉ ESTAR LO PLANETA PURMÈR DAB VIDA

0
0

Uei lo dia, Vènus qu’ei un planeta on n’i a pas vita. La soa temperatura de susfàcia qu’arriba dinc a 462 grads e la soa atmosfera qu’ei dinc a 90 còps mei densa que la de la Tèrra. Mes l’Institut Goddard d’estudis Espaciaus de la NASA que descobrí que n’estó pas tostemps atau.

hqdefault
Venus qu’averé recebut enter 40% dinc a 70% mei d’arrais solars que çò que receb la Tèrra uei.

Observacions astronomicas recentas d’aqueth planeta que confirman que Vènus e poderé aver avut oceans d’aiga bèth temps a. De mei, tot un sistema de crums qu’averé protegit aqueth planeta deus arrais solars, mes l’evolucion de Vènus qu’estó hèra desparièra de la de la Tèrra.

L’existéncia d’oceans sus Vènus que seré podut estar demostrada pendent la mission de la nau Pioneer en las annadas 80. Mes la quantitat hèra mei hauta de lutz solar recebuda per aqueth planeta qu’averé provocat l’evaporacion de tota l’aiga de susfàcia. La radiacion d’arrais vriulets qu’averé trencar las moleculas de vapor d’aiga e tot l’idrogèn qu’averé huejut dens l’espaci.

Shens aiga, lo dioxide de carbòni qu’averé penetrat l’atmosfèra venusiana e que s’averé produsit l’efèit de gas de sarra qui contunha uèi lo dia.

En relacion dab los divèrs estudis qu’averén dejà demostrats que la velocitat de rotacion suu pròpi èish que provocaré lo hèit qu’un planeta e podossi aver vita o pas. E Vènus qu’ei un planeta qui vira sus era medisha 117 dias terrèstres de reng. Dinc a uei, e’s pensava qu’aquò èra pr’amor de la soa atmosfèra tan densa.

mars-earth-venus
La soa temperatura de susfàcia de Venus qu’arriba dinc a 462 grads.

Mes adara un navèth estudi que confirma qu’ua atmosfèra leugèra com la de la Tèrra e poderé aver lo medish problema tanben. Aquò vòu díser que Vènus e poderé aver avut milions d’annadas a, un èish de rotacion com lo de la Tèrra.

E que cerquèn mei de causas

Ua d’aqueras que poderé estar la topografia. Lo navèth estudi hèit per la NASA que s’a com cap Michael Way e que confirma que l’anciana Vènus qu’avèva hèra mei de tèrra que non pas d’aiga, subretot aus tropics. Aquò qu’averé ajudat hèra l’evaporacion deus oceans venusians e en la creacion d’un efèit de gas de sarra au nivèu planetari.

L’estudi que restablí las condicions de vita sus Vènus en aquera epòca e que’s podó servir de las informacions de la mission Magelhan de las annadas 90. Dab lo navèth paisatge que podón confirmar que Venus e recebèva 40% mei d’arrais solars que la Tèrra uei.

724700main_venus_full_full
Uei lo dia, Venus qu’ei un planeta on n’i a pas vita.

“Que podom crear ua simulacion deu climat en 3D de Vènus entre 2,9 e 0,71 miliards d’ans – çò digó Way- dab las donadas de la mission Magelhan que podom concretar los paramètres orbitaus de Vènus e tornar bastir la soa composicion atmosferica ad aquera epòca”.

A despieit deu hèit que Vènus e podèva aver un periòde de rotacion de 16 dias terrèstres sonque, çò confirmè Way, qu’averé recebut enter 40% dinc a 70% mei d’arrais solars que çò que receb la Tèrra uei. Dab aqueras condicions que poderé estar un planeta dab vita 715 milions d’ans a. Paradís perdut. L’estudi qu’estó publicat dens la revista Geophysical Research Letters.

La Redaccion

LEAVE YOUR COMMENT

L'adreça electrònica no es publicarà. Els camps necessaris estan marcats amb *