Home DIVÈRSES VAMPIRISME, UN FACH REAL
VAMPIRISME, UN FACH REAL
0

VAMPIRISME, UN FACH REAL

0
0

Una còla scientifica internacionala a identificat una mutacion genetica que poiriá èsser la causa de las istòrias sus vampirs pendent epòcas passadas. La rason ne seriá lo nivèl de produccion de hèma en la sang que crèa la malautiá de porfiria e qu’a totes los simptòmas dels ancians vampirs.

Quand recep lutz produsís damatge al torn de las cellulas e las personas qu’an aquela malautiá pòdon patir cremadas en la pèl maugrat èsser a travèrs lo veire de las finèstras.

En efièch, la porfiria es una malautiá de la sang – n’ a fins a 8 tipes – qu’afècta la produccion moleculara dels cos uman de hèma, un component de l’emoglobina. Un tipe de porfiria, la nomentada protoporfiria eritropoietica es la mai comuna entre los mainatges e provòca que la pèl es plan sensitiva a la lutz. Una exposicion longa al solelh pòt arribar a provocar problèmas fòrça serioses en la pèl e tanben damatges grèus.

“Las personas qu’an protoporfiria entropoietica son anemicas totjorn, d’una manièra cronica. Aquò los fa èsser fòrça blancs de pèl e an una fotosensitivitat fòrça nauta – çò diguèt Barry Paw, cap de l’estudi fach sus aquela malautiá e del Centre de Desòrdres en la Sang e Càncer de Mainatges de Boston -. E aquò pòt arribar a produsir que pòdon pas sortir a la lutz del jorn”.

La solucion, beure de sang

Un jorn amb nívols – dison los scientifics – tanben pòt arribar a produsir grèus damatges en la pèl. De mai, la solucion pendent lo passat poiriá aver estat demorar dins l’ostal pendent lo jorn e recebre transfussions de sang amb pro hèma per cercar de se suenhar e se sentir melhor.

“Pendent lo passat, sortir solament pendent la nuèch e beure de sang d’animal poiriá aver estat una solucion – çò soslinhèt Paw – e aquò solament balhèt encara mai legendas sus los vampirs”.

Tot aquò arriba après la descobèrta scientifica d’una nòva mutacion que provocariá la malautiá de la protoporfiria enritropoietica. Segon los scientifics qu’an fach un nòu estudi publicat fa pauc al jornal Proceedings of the National Academy of Sciences, aquò seriá un fach biologic nòu e origina de las istòrias del passat sus lo vampirisme. La causa ne serià, de segur, çò dison, aquel desòrdre en la sang”.

Una mutacion genetica que poiriá èsser la causa de las istòrias sus vampirs pendent epòcas passadas.

“Per produsir hèma, lo cos uman a un procés nomentat sintèsi de porfiria. Tot defècte en aquel procés pòt arrestar la produccion de hèma e crear aquela malautiá – çò diguèron los recercaires –“.

Aital, en la malautiá de la protoporfiria eritropoietica la protoporfiria IX demora en las cellulas rojas de la sang e, de còps, al fetge. Quand recep lutz produsís damatge al torn de las cellulas e las personas qu’an aquela malautiá pòdon patir cremadas en la pèl maugrat èsser a travèrs lo veire de las finèstras. Totun, encara i a divèrses tipes de protoporfiria eritropoietica qu’encara an d’èsser explicats scientificament”.

La resulta d’aquel trabalh scientific arriba après trobar la sequéncia genetica de totes los membres d’una familha francesa que patissiá una protoporfiria eritropoietica de tipe desconegut. En tot o estudiar los recercaires trobèron una nòva mutacion al gèn CLPX, causa d’aqueles simptòmas.

“La pèrta o mutacion genetica d’aquel gèn en las personas pòt balhar unas resultas òrres en las personas – çò confirmèron los recercaires – e mai d’un desòrdre cutanèu orrible”.

La Redaccion

Christian Andreu Nasquèt a Barcelona en 1972, estudièt jornalisme a l’Universitat Autonòma de Barcelona e son especialitat es la politica internacionala. Parla uech lengas dont l'occitan. A publicat lo libre Art i Lletres a Horta-Guinardó e a collaborat totjorn amb de jornals catalans, bascos e occitans coma La Veu del carrer, El Punt, Egin, A vòste e Jornalet. Es maridat, a dos enfants, Jana e Roger, e demòra a Reus.

LEAVE YOUR COMMENT

L'adreça electrònica no es publicarà. Els camps necessaris estan marcats amb *