Home SCIÉNCIA UN TRUC…GALACTIC
UN TRUC…GALACTIC

UN TRUC…GALACTIC

0

Avèm vist de còps de fachs galactics susprenents… en la television o en de filmes de sciéncia-ficcion. Pr’amor quora la sciéncia es testimòni real d’un d’aqueles faches la resulta es tres qu’estonanta: son las nòvas imatges del Telescòpi Espacial Hubble de la NASA d’un truc galactic. Totun, çò que se pòt veire ara es la resulta del truc entre doas galaxias fa d’aperquí 500 milions d’annadas.

La descobèrta d’aquela galaxia ajudèt descobrir l’istòria del truc de galaxias que se debanèt pendent la sieuna origina.

Es aital cossí arriban d’imatges del telescòpi Hubble en tot mostrar la vision de la nòva galaxia NGC 3256. Son d’imatges pauc comunas que mòstran çò que demora del truc de doas ancianas galaxias que truquèron fa centenats de milions d’ans.

NGC 3256 es una galaxia que, urosament, es fòrça luenh del nòstre sistèma solar. Atal, es situada a mai de 131 milions d’ans-lutz de la Tèrra, dins la constellacion de Vela. Es una galaxia d’aperaquí coma la Via Lactèa, la nòstra galaxia, e aperten al complèx d’Idra-Centaure. Pasmens es çò que demora d’un truc espaciau entre doas ancianas galaxias, que los cercaires an podut confirmar que se debanèt ara fa 500 milions d’annadas.

Un present qu’es ja istòria

La imatges qu’arriban del Hubble uèi lo jorn son l’istòria d’aquel truc. Es estat possible determinar son estat pr’amor de las coas que i a a son torn. Son de coas espacialas qu’an, a la fin, d’estelas blavas mai joves, que nasquèron après lo truc de las doas galaxias que balhèt naissença a NGC 3256.

Aquò es atal pr’amor que, segon dison los scientifics, quand doas galaxias trucan, las estelas son desseparadas per de gigantas distancias e atal aquelas trucant pas mas demòran luenh del truc. Seriá lo gas e la polsa que trucan e interagisson entre si pendent aquel movement violent espacial.

Las nòvas imatges balahadas per lo Telescòpi Espacial Hubble de la NASA parlan d’un truc galactic ancian.

Un còp jos l’analisi dels infraroges, aquelas estelas pòdon èsser agachadas d’un biais mai clar e fan atanben mai clara la vision de la quita galaxia NGC 3256 pr’amor de la pròpria lutz. Serà la sieuna radiacion qu’ajudarà classar aquel tipe de galaxias.

Segon la còla de cercaires qu’an analizat las imatges qu’arriban ongan, la descobèrta d’aquela galaxia ajudèt descobrir l’istòria del truc de galaxias que se debanèt pendent la sieuna origina e, a mai, pòt dubrir una pòrta fòrça especial per assajar de comprenen melhor las estelas que son situadas a la coa de las galaxias.

A mai, NGC 3256 a dins mai de 1000 grops d’estelas e un sens fin de matèria formada per de gas e de polsa que gira al torn de dos nuclèus – las doas galaxias originalas que truquèron fa temps -. Segon los cercaires los dos nuclèus finiràn pas de s’unir pendent los proplèus 100 milions d’ans. D’istòria espaciala singulara.

La Redaccion

Christian Andreu Nasquèt a Barcelona en 1972, estudièt jornalisme a l’Universitat Autonòma de Barcelona e son especialitat es la politica internacionala. Parla uech lengas dont l'occitan. A publicat lo libre Art i Lletres a Horta-Guinardó e a collaborat totjorn amb de jornals catalans, bascos e occitans coma La Veu del carrer, El Punt, Egin, A vòste e Jornalet. Es maridat, a dos enfants, Jana e Roger, e demòra a Reus.

LEAVE YOUR COMMENT

L'adreça electrònica no es publicarà. Els camps necessaris estan marcats amb *