Home TECNOLOGIA UA NAVÈRA EDAT ESPACIAU DAB NAUS DE 20 GRAMAS
UA NAVÈRA EDAT ESPACIAU DAB NAUS DE 20 GRAMAS
0

UA NAVÈRA EDAT ESPACIAU DAB NAUS DE 20 GRAMAS

0
0

Lo començar d’ua navèra edat espaciau qu’estó anonciat recentament peu bilionari Yuri Milner e lo scientific Stephen Hawking. Tot dus, implicats en lo navèth projècte “Breaktrough Starshot“ ( Tir Estellar) qu’ac confirmèn drin de temps a, a Nòva Yòrk. L’equipa que vòu lançar naus de solament 20 grams e las har arribar tà Alfa Centauri en 20 ans sonque e a un cinquau de la velocitat de la lutz.

baixa
Tir Estellar vòu bastir un navòt espaciau que poderé estar lançat a un cinquau de la velocitat de la lutz..

Entà har aquò, que cau bastir ua sòrta de catapulta qui lançarà aquesths navòts tà l’espaci mei luenhèc dab un ensemble de lasèrs dinc au sistèma solar Alfa Centauri, plaçat a mei de 25 trilions de quilomètres de la Tèrra. Au projècte que s’i amassè tanben lo fondator de Facebook, Mark Zuckenberg, qui’s joguè 100 milions de dòlars qu’aquò poderé estar reau en mensh d’ua generacion.

Lo projècte Breakthrough Starshot qu’ei donc un projècte qui vòu bastir un navòt espaciau de 20 gramas que poderé estar lançat per l’espaci exterior a 60 milions de mètres per segonda, aquò hè 215 milions de quilomètres/òra, ua cinquau part de la velocitat de la lutz-. Lo navòt arribaré tà Alfa Centauri en tot profieitar deus vents solars.

A despieit deu hèit que lo nau ne seré pas mei gran qu’ua carta de crèdit qu’averé cameras e baterias de fotons, un sistèma de navigacion e de comunicacion tanben. Entà arribar tà Alfa Centauri qu’utilizaré, un còp en l’espaci exterior, e dab l’ajuda de la Tèrra, aqueths vents solars entà mantiéner la medisha velocitat.

Un sistèma de navigacion revolucionari.

Lo purmèr còp que se’n parlè, d’emplegar los vents solars, qu’estó quan Johannes Keppler, en 1608, qu’enviè ua mapa tà Galileo Galilei e que l’ac parlè’n. Lo vent solar qu’estó descriut com ua fòrça de propulsion parièra a la qu’utiliza un batèu dab lo vent terrèstre.

New+Space+Exploration+Initiative+Breakthrough+M9xsviZjrVjl
Lo començar d’un navèth edat espaciau qu’estó anonciat per Yuri Milner e Stephen Hawking.

“Qu’avem passat milièrs d’ans en tot espiar las estelas e en tot demandà’ns quin i arribar – çò digó lo bilionari Yuri Milner -. Mes adara que sabem que podem utilitzar lo vent solar com los ancians avèvan utilizat lo vent de la Tèrra. Qu’ei interessant de saber que n’i avem pas pensat dinc aquí”.

Totun, entà que sii ua escaduda, lo projècte qu’a hrèita d’un bastiment, d’ua basa de lançament peu desert d’Atacama, au Chile e que cau tanben l’ajuda economica d’organismes com lo CERN europèu. Dab los seguents lançaments lo prètz que s’arredusiré e, fin finala, ne costaré pas sonque quauques milièrs de dòlars e pro. Un projècte fascinant.

Redaccion

LEAVE YOUR COMMENT

L'adreça electrònica no es publicarà. Els camps necessaris estan marcats amb *