Home PALEONTOLOGIA UN MISTÈRI DE FA 140 MILIONS D’ANS
UN MISTÈRI DE FA 140 MILIONS D’ANS
0

UN MISTÈRI DE FA 140 MILIONS D’ANS

0
0

Maugrat que uèi lo jorn amb 300.000 espècias las plantas amb de flors son lo grop mai divèrs del mond botanic dins la planeta, encara se sap pas la sieuna origina e evolucion. Fa mai de 140 milions d’ans nasquèt un dels mistèris mai grands de la biologia. Scientifics coma Darwin ja confirmèron que lo sieu rapid espandiment per la Tèrra èra una “mistèri òrre”.

Uèi son utilizadas pels umans coma manjar e medecina e ara un nòu estudi, apelat projècte eFLOWER ensaja de far un esfòrç a nivèl internacional per amassar tota la informacion possible sus l’estructura de las flors, definir lor arbre evolutiu e cossí son arribadas a la sieuna forma actuala.

L’estudi de las primièras flors a balhat suspresas grandas. Èran pas cossí se pensava.

Lo nòu modèl de flor originala ancestrala es estat una suspresa. Quora aguèron las resultas de las primièras analisis “descobriguèron un nòu scenari que sortiá dels nòus modèls d’una manièra estonanta – çò diguèt Hervé Sauquet, professor a l’Universitat París-Sud e cap de l’estudi -. Mas lèu avèm pogut veire que tot a una logica plan racionala”.

Las primièras flors

Segon aquel estudi, las primièras flors que i aguèt dins la planeta èran bisexualas amb doás partidas, una femelha (carpèls) e l’autra masculina / estamina). Tanben avián cicles concentrics d’organs parièrs als pètals. Uèi solament un 20% de las flors que i a dins la Tèrra son aital. Mas amb diferéncias. Se los òrgans se las primièras flors avián conjunts de tres òrgans, las liliacèas n’an dos, las magnòlias 3.

“Son unas resultas que questionan tot aquò que s’aviá pensat sus las flors fins lo moment – çò diguèt Juerg Schoenenberger, professor de l’Universitat de Viena e coautor de l’estudi -. Totjorn aviam pensat que los òrgans de las primièras flors avián una forma espirala mas foguèt pas aital”.

Uèi solament lo 20 % de las flors dins la Tèrra son coma las primièras flors.

De mai, los recercaires an ensajat de bastir un nòu arbre evolucionari en tot inclure los monocats ( orquídias, liliacèas, etc) e los eudicots (rosas e girasolelhs, etc). Segon los scientifics, l’estudi a permés per primièr còp aver una vision fòrça definida de l’evolucion de las flors entre las angiospermas, las primièras que i aguèt fa mai de 140 milions d’annadas.

Al delà d’aquò, l’estudi balha un nòu scenari fòrça logic qu’explicariá la giganta diversitat florala. Totun, los scientifics qu’an fach l’estudi tanben an volgut soslinhar qu’encara mancant fòrça qüestions qu’an pas responsa. Lo registre fossil de flors tant ancianas es encara plan incomplet e encara es pas estat trobat un fossil tant ancian.

Maugrat aquò, dempuèi ara se poirà comprene melhor l’evolucion de las flors dins la planeta. La resulta es un avançada pr’amor que las primièras flors demoran encara un mistèri sens resòlvre”.

La Redaccion

Christian Andreu Nasquèt a Barcelona en 1972, estudièt jornalisme a l’Universitat Autonòma de Barcelona e son especialitat es la politica internacionala. Parla uech lengas dont l'occitan. A publicat lo libre Art i Lletres a Horta-Guinardó e a collaborat totjorn amb de jornals catalans, bascos e occitans coma La Veu del carrer, El Punt, Egin, A vòste e Jornalet. Es maridat, a dos enfants, Jana e Roger, e demòra a Reus.

LEAVE YOUR COMMENT

L'adreça electrònica no es publicarà. Els camps necessaris estan marcats amb *