Home SCIÉNCIA UN MINERAL QU’ABSORBÍS LO DIOXID DE CARBÒNI
UN MINERAL QU’ABSORBÍS LO DIOXID DE CARBÒNI
0

UN MINERAL QU’ABSORBÍS LO DIOXID DE CARBÒNI

0

La magnesita es un mineral natural qu’absorbís lo dioxid de carbòni de l’atmosfèra terrèstra (CO2). Totun, lo procès pòt durar de milièrs d’ans. Ara, pel primièr còp, una còla de scientifics a pogut accelerar aquel procès fins a 72 jorns. Atal, quand aquò serà desvolopat al nivèl industrial, la lucha contra lo cambiament climatic intrarà dins una fasa fòrça mai agressiva.

Una tona de magnesita naturala pòt arribar d’absorbir mièja tona de CO2 d l’atmosfèra pendent de milièrs d’ans.

Los scientifics qu’an capitat a descobrir cossí se pòt reduire aquel procès son estats dirigits per Ian Power, de l’universitat canadiana de Trent. O an pogut far en tot refrejar lo mineral amb de baissas temperaturas e amb l’emplec de miscrosfèras. La resulta es un espèr per la lucha contra lo CO2 que i a dins l’atmosfèra pr’amor que las tecnologias desvolopadas fins ara patisson de grands problèmas als nivèls practic e economic a causa de lors limits.

Mas la cristallizacion obtenguda d’aquel mineral, la magnesita, de manièra rapida, dobrís una nòva e tras qu’interessanta pòrta dins la lucha contra lo cambiament climatic que lo patís, de mai en mai, nòstra planeta.

Un procès que dura de milièrs d’ans

La cristallizacion de la magnesita –çò es lo procès pel qual aquel mineral absorbís lo dioxid de carbòni de l’atmosfèra– pòt durar entre de centenats e de milièrs d’ans. Atal, una tona de magnesita naturala pòt arribar d’absorbir mièja tona de CO2 d l’atmosfèra pendent de milièrs d’ans. Mas es un procès fòrça lent. E la còla de Power a pogut trobar una manièra d’o accelerar.

“Avèm descobèrt doas causas –çò diguèt Power–. D’en primièr, cossí e pendent quant de temps se forma de biais natural la magnesita. Aquò pòt arribar de durar de milièrs d’ans dins la natura. Puèi avèm pogut demostrar quina es la dralha per accelerar bravament aquel procès”.

Pel primièr còp, una còla de scientifics a podut accelerar aquel procès fins a 72 jorns.

Segon aquò, Power e sos collègas an reduch lo procès de formacion de la magnesita e de l’absorbiment de dioxid de carbòni en solament 72 jorns amb l’utilizacion de miscrosfèras a de baissas temperaturas.
“Lo procès a divèrses avantatges pr’amor que la produccion artificiala de magnesita es una manièra extrèmament eficaça d’obténer d’energia“, çò apondèt Power.

Ara cal veire cossí se pòt far aquel procès al nivèl industrial. Un dels factors segurs per o poder serà lo prètz del mercat del carbon e la tecnologia utilizada. A mai, se poiriá tanben far servir aquel nòu procès per d’autres coma la terraformacion d’autras planetas (perque absorbís lo CO2 de las atmosfèras d’aquestas). Las resultas de la còla de Power son estadas publicadas durant la conferéncia annala Goldschmidt de Boston, en Massachussets.

La Redaccion

Aqueste article serà tanben publicat dins Jornalet, lo primièr quotidian en linha de lenga occitana, amb lo qual Sapiéncia a un acòrdi de cooperacion

Christian Andreu Nasquèt a Barcelona en 1972, estudièt jornalisme a l’Universitat Autonòma de Barcelona e son especialitat es la politica internacionala. Parla uech lengas dont l'occitan. A publicat lo libre Art i Lletres a Horta-Guinardó e a collaborat totjorn amb de jornals catalans, bascos e occitans coma La Veu del carrer, El Punt, Egin, A vòste e Jornalet. Es maridat, a dos enfants, Jana e Roger, e demòra a Reus.