Home PALEONTOLOGIA TRÒBAN LO DARRIÈR DINOSAURE
TRÒBAN LO DARRIÈR DINOSAURE
1

TRÒBAN LO DARRIÈR DINOSAURE

0
1

L’ipotèsi scientifica que soslinha la casuda d’un meteòr en l’airal de Yucatan fa 65 milions d’ans coma causa finala de l’extincion dels dinosaures foguèt prepausada ja fa mai de 30 ans. E maugrat que la majoritat de paleontològs i son d’acòrd qualqu’ns an de dobtes. Aquò a coma causa scientifica la fauta de fossils en un troç fòrça determinat de la tèrra apellat l’interval dels 3 mètres (3 meter gap).

tricera2
Lo ceratopsid trobat seriá lo darrièr dinosaure viu trobat fins uèi lo jorn per una còla de paleontològs.

Aqueste seriá lo moment que lo meteòr casèt e la fauta de toranosaurids, triceratops, torosaures e dinosaures amb morre de bèc en aquesta franja de terren auriá provocat que divèrses scientifics ajan prepausat qu’aquestes dinosaures ja s’aurián extingit un pauc abans de la casuda del meteòr. Fins uèi.

Una còla scientifica a trobat fa pauc lo dinosaure mai jove melhor conservat e qu’auriá viscut just abans la casuda del meteòr. La trobalha confirmariá que los dinosaures non s’aurián extingit abans del meteòr e balha nòva informacion sus la casuda del meteis e sus s’aquesta poiriá èsser la causa dirècta de l’extincion dels dinosaures.

Aital, de scientifics de l’universitat estatsunitenca de Yale aurián trobat la banha fossilizada d’un ceratopsid, coma se foguèsse un triceratops, en la formacion de Hell Creek, en Montana. La trobalha es dins l’interval dels 3 mètres, la transicion del Cretacèu a l’epòca terciària quand lo meteòr casèt fa 65 milions d’annadas.

Nòvas donadas per la paleontologia

“La descobèrta suggerís que l’interval dels 3 mètres non a existit jamai – çò diguèt Tyler Lyson, cap de l’estudi publicat en lo jornal Biology Letters-. L’individú trobat es plan prèp de la frontièra de la casuda del meteòr e aquò confirma que los dinosaures èran ben vius fins la casuda d’aqueste”.

images
La trobalha foguèt facha en la formacion de Hell Creek, en Montana.

Totun, la còla paleontologica qu’a fach l’estudi non a pogut determinar l’edat qu’aqueste triceratops quand moriguèt. Mas òc pòdon dire que visquèt solament en un periòde d’entre paucs milièrs e centenats de milièrs d’ans abans de la casuda del meteòr.

La trobalha foguèt facha per Eric Sargis, del Museu d’Istòria Natural de Yale e un escolar Stephen Chester. Lèu sabèron qu’èra fòrça prèp de l’interval dels 3 mètres geologic. Lo laboratòri o confirmèt après.

Ara la meteissa còla estúdia d’autres fossils del meteis lòc. “Ne trobarem mai pr’amor qu’avèm ara las mai sofisticadas tecnicas d’analisi del terren – çò diguèt Lyson – e far aquò es plan melhor que non examinar visualament las formacions de ròcas que i a prèp dels fossils e aquò es çò que s’a fach fins uèi lo jorn”.

Christian Andreu

Comment(1)

  1. *qualqu’ns: qualques uns
    *contactar damb eres: entrar en contacte (anglicisme)
    *banha: bana o còrna
    “non a pogut determinar l’edat D’aqueste triceratops”
    “Mas òc pòdon dire”: Mas òc, pòdon dire/Mas, òc, pòdon dire
    “s’a fach”: s’es fach (no és una falta estrictament, però es inusitat en llenguadocià normal i corrent)
    *un escolar: un escolan

LEAVE YOUR COMMENT

L'adreça electrònica no es publicarà. Els camps necessaris estan marcats amb *