Home GEOGRAFIA TRAPEN VAPOR D’AIGUA ENA LUA EURÒPA
TRAPEN VAPOR D’AIGUA ENA LUA EURÒPA
0

TRAPEN VAPOR D’AIGUA ENA LUA EURÒPA

0

Una naua analisi des donades dera mission dera NASA Galileo confirme qu’en ua des lues de Jupitèr, Euròpa, i aurie vapor d’aigua. Es donades sigueren recuelhudes pendent er an 1997 mès es scientifics ac aurien descorbit ongan. Eth nau estudi siguec publicat ena pagina web Nature Astronomy.

Es geisèrs poden èster relatiauments petiti e que non arriben a mès de 200 quilomètres sus era superfícia dera planeta.

“Es donades dan supòrt ara idèa qu’era lua Euròpa a geisèrs – çò diguec un des coautors der estudi, Xianzhe Jia, dera Universitat de Michigan -. Ei un mistèri qu’a demorat annades mès ara podem díder damb seguretat que n’i a “.

Es donades son eth resultat d’ua revision hèta as qu’era sonda Galileo auec pendent era sua orbita ath torn de Jupitèr entre 1995 e 2003. Euròpa, era quatau lua mès grana dera planeta, siguec fòrça estudiada. E suggerien era idèa que jos era capa de glaç dera superfícia i auie un ocean prigond d’aigua liquida. A mès, en 2012 diuèrses donades deth Telescòpi Hubble Space confirmèren que i auien nautes concentracions d’idrogèn e oxigèn en son emisfèri sud, un senhau d’aigua lançada ar espaci a trauèrs de geisèrs.

Un estudi fòrça prigond

Es donades que balhèc era sonda Galileo en tot passar sus Euròpa ja auien recuelhut diuèrses imatges de vapor d’aigua en 1997 e enquia siguec detectat un geisèr. Mès era sciéncia non a podut confirmar aqueres imatges enquia aué. Ara Jia e es sons collègues an hèt un nau analisi des imatges obtengudes a solament 206 quilomètres dera superfícia d’Euròpa per Galileo. I auien cambiaments en son camp magnetic que solament pogueren èster explicadi a trauèrs dera preséncia de geisèrs. Es imatges son deth madeish lòc on Huble descorbic vapor d’aigua en 2014.

Totun, era sonda Galileo non trapèc nat mès preséncia de vapor d’aigua en d’auti lòcs d’aquera lua. Açò hè pensar qu’es geisèrs poden èster relatiauments petiti e que non arriben a mès de 200 quilomètres sus era superfícia dera planeta. Tanpòc es sabut se son constants o solament lancen aigua de tant en tant.

En ua des lues de Jupitèr, Euròpa, i aurie vapor d’aigua.

Era còla d’astronoms qu’a hèt era descobèrta trabalhe ara en dues proplèus missions sus Jupitèr: en 2022 i arribarà JUICE dera Agéncia Espaciau Europèa e dempús EURÒPA dera NASA. Aguesta volarà a solament 25 quilomètres sus era superfícia dera lua Euròpa e poirie ajudar mès encara en aguesta descobèrta espaciau.

Diuèrsi scientifics, coma Cynthia Phillips, dera NASA, ja an confirmat qu’aguest nau analisi d’aqueres imatges d’Euròpa ei “excitant e susprenent pr’amor qu’an utilizat naues tecniques en d’imatges vielhes”.

“Pendent eth vòl dera sonda Galileo sus Euròpa ja auíem detectat que i auie quicòm de misteriós, quicòm estranh – çò confirmèc Phillips -. Ei ua bona notícia auer ja aqueres imatges qu’ac confirmen. Totun, ara ne cau auer d’autes”.

Era Redaccion

Aguest article ei publicat gràcies a un acòrdi de cooperacion damb www.aranes.club, era pagina web entà apréner aranés de forma gratuita

Christian Andreu Nasquèt a Barcelona en 1972, estudièt jornalisme a l’Universitat Autonòma de Barcelona e son especialitat es la politica internacionala. Parla uech lengas dont l'occitan. A publicat lo libre Art i Lletres a Horta-Guinardó e a collaborat totjorn amb de jornals catalans, bascos e occitans coma La Veu del carrer, El Punt, Egin, A vòste e Jornalet. Es maridat, a dos enfants, Jana e Roger, e demòra a Reus.

LEAVE YOUR COMMENT

L'adreça electrònica no es publicarà. Els camps necessaris estan marcats amb *