Home DIVÈRSES SON ESTATS DESCOBÈRTS 91 VOLCANS DINS L’ANTARTIDA
SON ESTATS DESCOBÈRTS 91 VOLCANS DINS L’ANTARTIDA
0

SON ESTATS DESCOBÈRTS 91 VOLCANS DINS L’ANTARTIDA

0

Es una de las descobèrtas geograficas mai estonantas dels darrièrs tempses. Mai de 90 volcans sepelits al glaç de l’Antartida son estats descobèrts per una còla de geològs de l’universitat escocesa d’Edimborg. Los volcans son situats al Rift de l’oèst antartic.

Per los descobrir los geològs escocesses cerquèron jos los soms de ròca basaltica que trobèron sus lo glaç de la region.

E son pas volcans pichons. Fan entre 100 e 3.850 mètres amb una mejana, totun, de 621 mètres. De mai qualqu’unes son d’estructuras terrèstres (n’an trobat fins a 29) que fan mai d’un quilomètre de nautor. Los diamètres son desparièrs. Fan entre 4,5 e 58,5 quilomètres amb una mejana de 21 quilomètres.

“Avèm pogut identificar dins l’Antartida fins a 138 volcans. D’aqueles, 91 èran pas estats identificats abans – çò diguèron los scientifics -. E son plaçats al long de tota l’Antartida de l’Oèst. La majoritat son al Sistèma del Rift de l’Oèst antartic, dins un airal de 3.000 quilomètres”.

Volcans parièrs als africans

Las sieunas caracteristicas permeton los classar al meteis nivèl que los volcans de l’èst african, una de las concentracions mai densas de volcans de la planeta tota. Per los descobrir los geològs escocesses cerquèron jos los soms de ròca basaltica que trobèron sus lo glaç de la region. Foguèt aital cossí trobèron los 91 volcans. En tot utilizar un radàr e restacar çò qu’avián trobat amb de donadas pròprias e de satellit envièron d’avions per aver encara mai d’informacion.

“Es un fach susprenent. L’Antartida es encara uèi un dels continents mens explorats e descobrir 91 volcans nòus es un fach nòu dins la geologia – çò diguèt Robert Bingham, de l’Universitat d’Edimborg -. Comprene melhor l’activitat volcanica d’aquel continent ajudarà a conéisser mai informacion sus lo passat, present e futur del glaç antartic primièr e de totes los sistèmas geologics de la Tèrra”.

Ara, mai de 90 volcans sepelits al glaç de l’Antartida son estats descobèrts en aquel continent.

Aital, après estudiar las nòvas donadas de l’oèst antartic, los geològs comencèron a descobrir rèstas de volcanisme – çò confirmèt Max van Wyk de Vries, d’aquela universitat-. Un estudi mai prigond de la nòva informacion balhèt la descobèrta de prèp de 100 volcans situats jos lo glaç antartic-.

Totun, l’estudi, publicat al numeric Geological Society Special Publications Series confirma pas se los volcans encara son actius. Cal far un estudi mai prigond per o poder confirmar. La trobalha ajudarà, dison los geològs, a comprene melhor cossí influís l’activitat volcanica dins las formacions de glaç e tanben cossí es cambiat lo clima pendent los darrièrs ans. “Lo glaç es de mai en mai prim, çò diguèron los autors del nòu estudi geologic – e aquò vòl dire que lo clima tanben es de mai en mai caud. Cal ara veire se la causa n’es l’activitat umana o la volcanica”.

La Redaccion

Christian Andreu Nasquèt a Barcelona en 1972, estudièt jornalisme a l’Universitat Autonòma de Barcelona e son especialitat es la politica internacionala. Parla uech lengas dont l'occitan. A publicat lo libre Art i Lletres a Horta-Guinardó e a collaborat totjorn amb de jornals catalans, bascos e occitans coma La Veu del carrer, El Punt, Egin, A vòste e Jornalet. Es maridat, a dos enfants, Jana e Roger, e demòra a Reus.

LEAVE YOUR COMMENT

L'adreça electrònica no es publicarà. Els camps necessaris estan marcats amb *