Cada còp i a mès e mès persones intolerantes ath glutèn. Non son celiaques – açò vò díder alergia totau ath glutèn – mès solament intolerantes ath glutèn e non ac saben. Açò ei un vertadièr problèma pr’amor que sense analisis es persones non saben que patissen era intolerància ath glutèn e eth mau ei mès gran encara pr’amor que patiràn damatges en er organisme sens saber’c.
Aguesta intolerància mès e mès patida pes persones pendent era nòsta generacion – e que dilhèu questione sus es causes e era sua origina qu’encara an d’èster responudes aué, ei pr’amor dera preséncia deth glutèn en determinadi cereaus.
Aguesti poden èster eth horment, eth segle, era ciuada, era espèuta, o eth bulgur. Era sua mission principau ei dar mès elasticitat ara haria e normauments non ei dolent entàs persones.
Mès que cau saber que se patim males digestions o bèra alteracion digestiva açò mos pòt her a pensar que, dilhèu, tanben patim intolerància ath glutèn coma centeats de milèrs de persones aué. Se trapam senhaus d’aquerò çò qu’auem de hèr ei anar entath doctor e s’ei eth cas sajar de treigue’c dera nòsta dièta lèu lèu.
Aué minjam toti fòrça glutèn
Damb era dièta qu’auem toti aué minjar glutèn ei normau mès aquerò pòt provocar ua pèrda d’energia der aparelh digestiu e, damb eth temps, podem auer problèmes entara digestion d’auti aliments coma era lèit, era carn o diuèrsi tipes de fregits.
Cau alara préner precaucions e evitar era inclusion de determinadi aliments ena lista dera compra: es aliments processadi o precodinadi, es sausses, er embotit, es gelats, eth chicolate o es doci o chiclets. Auem d’èster segurs tostemps que non an glutèn.
Atau, eth senhau més evident son es problèmes digestius. Mès que tanben n’i a d’auti coma eth mau de cap, trastòrns ormonaus, mau en er aparelh digestiu, cambis d’umor o mau enes articulacions. Tot ei restacat damb es problèmes dera intolerància ath glutèn.
Totun, que seguir ua dieta non vò díder ua renóncia totau a aliments coma eth pan o es cereaus. Pòden èster substituïdi per d’auti coma eth milhòc, er arròs, eth milh, er amarant o era quinoa. A mès, i a ua sèrie de remèdis naturaus que mos pòden ajudar e fòrça s’auem aguesta intolerància ath glutèn.
Entre aguesti i trapam era camamilha, que redusís era inflamacion digestiva, era coa de shivau, qu’a eth madeish efècte, eth iogur, qu’a bacteris qu’ajuden a hèr era digestion o era aloe vèra, qu’ajude a guarir er aparelh digestiu.
Ath delà, er alh tanben a proprietats bacterianes e antiviraus qu’ajuden a redusir es bactèris dolents que i a en aparelh digestiu. Plantes coma eth malvarisc aleugerís era inflamacion digestiva e es dolors abdominals Era regalícia a caracteristiques antioxidantes, anticancerigenes e antiinflamatòries.
Chucs de limon o de pinha ajuden entara digestion pr’amor que son frutes diuretiques e, a mès, eth limon neutralize er acid en er estomac. Fin finau, era dent de león da hame e ajude ena luta contra diuèrses malauties. Pr’açò ei qu’ajude er intestin a chuclar melhor es nutrients.
Èster intolerant ath glutèn donques non ei ua desgràcia totau. Se pòt arribar a auer ua vida normau segontes era nòsta dièta. Açò qu’ei basic ei que se ac sabem poderam desvolopar ua vida més sana maugrat èster intolerants ath glutèn, coma aué, centeats de milèrs de persones mès.
Era Redaccion
Aguest article ei publicat gràcies a un acòrdi de cooperacion damb www.aranes.club, era pagina web entà apréner aranés de forma gratuita
