Home TECNOLOGIA ROBÒTS QUE MENAN DE PIZZAS
ROBÒTS QUE MENAN DE PIZZAS
0

ROBÒTS QUE MENAN DE PIZZAS

0
0

E pas solament de pizzas. Tot tipe de manjar preparat. Aquò es lo futur qu’arriba. I aurà pas mai de personas per menar de pizzas als ostals. Los robots de distribucion ja son estats provats en Nòva Zelànda e utilizats dempuèi 2016. De mai, an creat un problèma legislatiu. Ara cal cambiar qualques leis particularas per permetre la sieuna utilizacion. Aqueste es lo cas de l’estat estatunidenc de Virginia.

Son un tipe de robots qu’an videocamèras per far de localitzacions triangularas e aquò poiriá provocar problèmas de privacitat.

Lo governador d’aquel estat, Terry McAullife a signat fa pauc una nòva lei que permet l’utilizacion dins las carrièras d’aqueste nòu tipe de robòt, tanben apelat PDD coma nom genèric mas que l’Entrepresa que vòl lo comercializar (Starship Tecnologies) l’a nomentat coma Starship Tecnologies Personal Delivery Devices. Son de robots amb sièis ròdas que pòdon menar manjar dins un radi de mai de 3 quilomètres e que pòdon demorar entre 15 e 20 minutas per un servici.

An unas caracteristicas plan especialas: pesan mai de 64 quilograms e pòdon menar fins a 9 quilograms de pes. De mai, pòdon viatjar a prèp de 6,5 quilomètres ora e an d’aubedir totes los senhals de circulacion. An d’aver un panèl amb lo nom del proprietàri e un numerò identificatiu. E pòdon pas menar de substàncias dangierosas, enebidas per lei en aqueste tipe de transpòrt.

Los PDD an batariás de Li-Ion e an d’aver frens e pòdon pas viatjar a mai de 16 quilomètres ora. En l’estat de Virginia i aurà d’aver un operaire uman qu’aurà lo contraròtle actiu de l’operacion dels PDD e seràn contrarotlats de manièra remota a travèrs d’una pichona app.

Lo primièr estat qu’a PDD

Virginia doncas e dempuèi aqueste estiu serà lo primièr estat dins los Estats Units qu’aurà robots que menan manjar  a l’ostal. Segon lo director d’ABI Research, un laboratòri de tecnologia d’aquel país “fòrça estats an leis qu’enebisson de veïculs mòbils dins las carrièras mas parlan pas de robots autonòms pr’amor que quora escriguèron las leis n’i avián pas. La solucion es simple: cal cambiar las leis”.

Aquò es lo futur qu’arriba. I aurà pas pus personas per menar de pizzas als ostals.

De mai, segon divèrses analistas, l’arribada d’aqueste nòu tipe de robots dins las carrièras, los PDD , es pas una question de se demandar se arribaràn o pas mas quora arribaràn. Per las entrepresas trobar trabalhaires per far aquò es sovent malaisit e lo cost es naut. Los PDD faràn la distribucion als ostals e aquò, dison, serà mai economic e mai eficaç.

L’entrepresa Starship ja a fach mai de 16.000 quilomètres en pròvas dins mai de 56 vilas e 16 païses. Noms d’autras entrepresas que ja an provat los PDD son Just Eat a Euròpa, Swiss Post en Soïssa, Hermes Parcel Delivery en Alemanha e Pronto en Anglatèrra. Ara encara son fachas de pròvas en Redwood City, Califòrnia, en San Francisco e en Wahington DC. Al delà, Domino’s Pizza ja los utiliza en Nòva Zelanda fa mai d’un an e i a pas agut cap de problèma.

Son un tipe de robots qu’an videocamèras per far de localitzacions triangularas e aquò poiriá provocar problèmas de privacitat. “Aquò auriá pas d’èsser desparièr de l’utilizacion de l’informacion qu’an las camèras de seguretat publicas – çò diguèt Jim McGregor, analista de Tirias Research. Aital pòdon pas dintrar als ostals e i a qualques airals qu’encara son pas legislativament clars”. Lo futur dels PDD semblariá doncas que ja es arribat. Benlèu lo proplèu còp que demandarem una pizza serà ja menada per un robòt. Un avançada tecnologica susprenent.

La Redaccion

LEAVE YOUR COMMENT

L'adreça electrònica no es publicarà. Els camps necessaris estan marcats amb *