Home DIVÈRSES QUE TROBÈN L’ASTEROÏD MEI PETIT PRÈS DE LA TÈRRA
QUE TROBÈN L’ASTEROÏD MEI PETIT PRÈS DE LA TÈRRA
0

QUE TROBÈN L’ASTEROÏD MEI PETIT PRÈS DE LA TÈRRA

0
0

Las prumèras donadas qu’arribèn tanlèu 2015. Mes que son hèitas publicas adara. Que calèva analisar se l’objècte espaciau podèva estar perilhós entau planeta Tèrra. Ara que’s sap que non. Qu’ei un meteòr qui ne hè pas sonque 2 mètres de diamètre e qui s’apèra TC25. La descobèrta qu’estó hèita per ua equipa scientifica internacionau dirigida per Vishnu Reddy, de l’Universitat d’Arizona.

Atau, la descobèrta qu’estó hèita en octobre de 2015 peus astronòmes de la NASA. Aquò qu’estó possible pr’amor qu’ei un deus objèctes espaciaus que luseish mei. Lo meteòr que rebat dinc a 60% de la lutz solara captada. L’estudi de las donadas qu’èra estat publicat dens lo jornau Astronomical Journal.

La descobèrta que confirmè tanben qu’èra lo purmèr meteòr qui deishè ua coda blanca de prova darrèr.

De mei, los scientifics que podón confirmar que la superficia deu meteòr qu’ei similara a un tipe de meteòr hèra inabituau aperat aubrita. Aqueste qu’ei compausat de mineraus hèra lusents – com silicats – qui’s fòrman en un environament basaltic shens oxigèn e devath temperaturas hèra hautas.

“Aquestes tipes de meteòrs ne representan pas sonque un 0,14% de tots los meteòrs qu’avem observat en l’espaci – çò soslinhè Reddy – Qu’ei atau pr’amor la composicion de la soa superficia qu’ei hèita d’aubristas, un materiau deus meteòrs pauc comun”.

Las mesuras d’un meteòr perilhós

Totun, aqueth asteroïde qu’a las medishas mesuras que los meteòrs qui caden sovent sus la Tèrra. Que son descobèrts sovent peus scientifics, mes non pòden pas estar estudiats dab pregondor pr’amor de la lor composicion. En tot estudiar TC25 los scientifics que vòlen compréner quin ei lo còs mariau que’us balhè.

La superficia deu meteòr TC25 qu’ei similara a un tipe de meteòr hèra inabituau aperat aubrita.

“Se podem arribar a descobrir e caracterizar meteòrs tan petits – çò digó Reddy – que poderem compréner tanben tota ua populacion d’objèctes espaciaus que que sii la lor origina : asteroïdes mei grans, totun, qu’apareish mensh que truquin la Tèrra. Lo cas de TC25 qu’ei lo d’un meteòr qui presenta feblas probabilitats de trucar lo noste planeta”.

Au delà, la descobèrta que confirmè tanben qu’èra lo purmèr meteòr qui deishè ua coda blanca de prova darrèr. Qu’ei ua pèira e pro. Qu’ei hèra solida, çò qu’ei pro desparièr deus autes meteòrs qui son ua amassada de pèiras. L’estudi que’ns ditz tanben que TC25 ei un deus meteòrs mei rapides que i a l’entorn de la Tèrra e que’s pensa que lo meteòr originau que seré NYSA, qui hè 70 quilomètres de diamètre e que TC25 n’ei pas sonque un tròç qui vadó après un truc contra un aute objècte espaciau”.

La Redaccion

LEAVE YOUR COMMENT

L'adreça electrònica no es publicarà. Els camps necessaris estan marcats amb *