Home PALEONTOLOGIA PREÏSTÒRIA MAI ANCIANA ENCARA D’IRLANDA
PREÏSTÒRIA MAI ANCIANA ENCARA D’IRLANDA
0

PREÏSTÒRIA MAI ANCIANA ENCARA D’IRLANDA

0
0

L’analisi d’un uas d’ors trobat en una balma irlandesa a balhat de pròvas de l’arribada de l’òme modèrn 2.500 ans abans de l’edat confirmada per l’arqueologia. Fins uèi lo jorn se pensava que l’òme modèrn, Homo sapiens sapiens, èra arribat a la illa d’Irlanda fa solament 10.000 ans. Ara una còla de scientifics a confirmat que i arribèt fa 12.500 annadas.

Lo uas d’ors forma partida d’una amassada d’autres uasses trobats après en la meteissa balma.

Las pròvas del radiocarbòni son estadas fachas sus un uas d’ors amb d’inscripcions d’Homo sapiens sapiens e confirman que foguèron fachas fa 12.500 ans, çò es 2.500 ans abans que non se pensava. La descobèrta es estada presentada al Musèu Nacional d’Irlanda.

Maugrat que l’uas d’ors ja èra estat trobada en una balma al comtat de Clare en 1903, en la còsta oèst d’Irlanda, èra estat conservat dins lo Musèu Nacional d’Irlanda, en Dublin, fins que una còla d’aquel musèu decidiguèt de tornar l’estudiar. Mas coma aqueste musèu a mai de 2 milions de pèças dins la sieuna colleccion èra pas estat trobat fins l’an 2016. Una segonda pròva amb radiocarbòni foguèt facha en Oxford e aquesta balhèt la mateissa edat: 12.500 ans.

Una preïstòria irlandesa encara mai anciana

Lo comtat de Clare, en la Republica d’Irlanda, es situat fòrça al sud e a l’òest del país.

Aquò vòl dire que la preïstòria d’Irlanda es 2.500 ans mai anciana e que los arqueològs auràn de rescriure lo periòde paleolitic en aquesta illa un autre còp. Un fach que fa contents la comunautat scientifica d’aquesta illa pr’amor que fins uèi los irlandeses totjorn avián pensat que lor preïstòria èra fòrça cuerta pr’amor que l’òme modèrn arribèt pas a l’illa fins que lo glaç desapareguèt totalament.

Èra una pròva que los arqueològs irlandeses cercavan dempuèi lo sègle XIX. De mai, los arqueològs qu’an fach l’estudi de l’uas an confirmat que las inscripcions foguèron fachas quan aquel encara èra fresc. E aquò vòl dire qu’es una pròva reala de l’edat de l’us. L’estudi es estat publicat en la revista Quaternary Science Reviews.

La Redaccion

Christian Andreu Nasquèt a Barcelona en 1972, estudièt jornalisme a l’Universitat Autonòma de Barcelona e son especialitat es la politica internacionala. Parla uech lengas dont l'occitan. A publicat lo libre Art i Lletres a Horta-Guinardó e a collaborat totjorn amb de jornals catalans, bascos e occitans coma La Veu del carrer, El Punt, Egin, A vòste e Jornalet. Es maridat, a dos enfants, Jana e Roger, e demòra a Reus.

LEAVE YOUR COMMENT

L'adreça electrònica no es publicarà. Els camps necessaris estan marcats amb *