Home TECNOLOGIA PLANVENGUT L’AUTO VOLADOR
PLANVENGUT L’AUTO VOLADOR
1

PLANVENGUT L’AUTO VOLADOR

0
1

Dubai a confirmat que serà lo primièr país al mond que dintrarà en lo futur en tot autorizar lo vòl del modèl chinés d’auto volador – e sens conductor – eHang 184. L’inici de l’utilizacion d’aquestes autos voladors – que son de drònes gigants – serà julhet de 2017. Aqueste modèl pòt arribar a volar fins a 160 quilomètres/ora e serà utilizat coma servici de taxi, çò es dire per menar personas d’un luòc a l’autre.

L’ eHang 184 pòt arribar a menar un pes de fins a 100 quilogramas e a una capacitat de vòl de fins a 30 minutas.

L’eHang 184 es un tipe de dròne qu’es estat provat abans en divèrses vòls e a pogut demostrar la sieuna utilitat. De fach, lo eHang 184 es un pichon avion que pòt menar fins a 100 Kg de pes e qu’a una durada maximala de vòl de 30 minutas. Pr’aquò lo govèrn de Dubai a pensat que seriá fòrça util en un servici de taxi sens conductor. Lo passatgièr solament aurà un ecran tactil per seleccionar la sieuna destinacion.

Sens cap autre contraròtle dins l’auto, lo dròne chinés Ehang 184 serà pilotat automaticament dempuèi un centre de comandament que i aurà en la vila de Dubai. Lo radi maxim de marcha d’aquesta nòva invencion chinesa es de 50 quilomètres sens aver de tornar a cargar un autre còp la bateria. L’inici dels vols regulars es estat ja confirmat pel cap de l’Agéncia del Transpòrt e Rotas, Matt al-Tayer, en una amassada governamentala a nivèl mondial que i a pendent aqueste jorns en Dubai.

“Es un nòu servici que volèm ofrir als ciutadans de Dubai pr’amor que l’ eHang 184 pòt arribar a menar un pes de fins a 100 quilogramas e a una capacitat de vòl de fins a 30 minutas – çò diguèt Matt al-Tayer- . Per l’utilizar lo passatgièr aurà a la sieuna disposicion un panèl de contraròtle ont poirà marcar la sieuna destinacion finala. Cal soslinhar que i pas cap contraròtle mai en aqueste panèl e que lo passatgièr solament poirá utilizar lo contraròtle de la destinacion e pro”.

Un auto volador pilotat de luenh

L’ eHang 184 serà lo primièr auto volador de la planeta e serà pilotat, totun, dempuèi un centre de contraròtle central que i aurà en la meteissa vila de Dubai.

Aital, l’ eHang 184 serà lo primièr auto volador de la planeta e serà pilotat, totun, dempuèi un centre de contraròtle central que i aurà en la meteissa vila de Dubai. De mai, pendent aqueste anonci èra fach public, tanben s’es conegut que las pròvas per aqueste meteis modèl son estadas fachas en l’estat estatsunidenc de Nevada en junh de 2016.

Totun, ja son estadas lançadas las primièras criticas per qualqu’uns expèrts en aviacion. Aital, divèrsas votzes ja an alertat que maugrat qu’aqueste tipe de drònes fonciona plan, de còps tomban, e aquò seriá dangierós per las personas que ne son passatgieras. Al delà d’aquò, qualqu’unas criticas son encara mai radicalas e an confirmat que cal far fòrça mai pròvas per poder demostrar qu’aquò es segur per los umans. Unas criticas qu’an lo sieu valor après poder veire lo video del pròpri modèl eHang 184 que a lançat lo govèrn de Dubai. Se poiriá dire que sembla un auto volador brica segur: https://www.youtube.com/watch?v=F8shiw6zY_A

De mai, lo darrièr mes, l’agéncia israeliana Urban Aeronautics anoncièt que lo sieu modèl de dròna per passatgièrs, sonat Cormorant, poiriá començar d’èsser utilizat amb de fins militaras dempuèi 2020. Aqueste dròne, totun, pòt menar fins a 500 quilogramas de pes, arriba als 185 Km/ora e a costat 14 milions d’euros.

La Redaccion

Comment(1)

LEAVE YOUR COMMENT

L'adreça electrònica no es publicarà. Els camps necessaris estan marcats amb *