Home SCIÉNCIA PERQUÉ CAU DROMIR PLAN
PERQUÉ CAU DROMIR PLAN
0

PERQUÉ CAU DROMIR PLAN

0
0

Tostemp s’a dit que dromir enquia tard non ei bon. Ara, bèri uns estudis scientifics asseguren eth contrari. Ei melhor entara salut dromir enquia tard pr’amor que lheuar-se lèu hè creisher es nivèus d’estrès des persones. Era gent que shaute dromir enquia tard ara ja a ua desencusa… scientifica.

bigstock-man-comfortably-sleeping-in-hi-15694625-1411648252-XrAR-column-width-inline
Dromir mes mos hè mes simpatics, mes dinamics e auer melhor receptivitat

De prumèr cau soslinhar er estudi qu’a hèt era Universitat de Westminster: lheuar-se abans des 7 h ei activar mes encara es nivèus dera ormòna der estrès. E s’aguesti acaben per èster cronics i aurà baisha concentracion e mens memòria, baisha immunitat, ipertension arteriau, tension cervicau, mau de cap o depression.

“Es trabalhadors non aurien de dintrar a trabalhar abans des 10 h, non ei uman – çò diguec Paul Kelley, dera Universitat d’Oxford – pr’amor qu’eth nòste relòtge biologic non ei sincronizat damb er orari laborau de 9h a 17 h “. Segontes aguest scientific ena adolescéncia e fins as 55 ans eth còrs non se desvelhe fins a entre 9h e 11 h deth matin. Eth temps biologic d’atencion des mainatges qu’an mens de 10 ans son es 06.30 h, quan avèm 16 ans es 08.00 h e dempús es 18 ans 09.00 h. Non tornaram a auer aguest temps d’atencion des 06.30 h fins es 55 ans.

Cal sopar 2 h abans de dromir

Metges e nutricionistes demanden un temps de 2 h abans d’anar a dromir dempús de sopar. S’anam a dromir en tot finir eth sopar non poiram dromir ben, aurem mau alend e problèmes en eth sistema digestiu atau coma sobrepes. E s’anam a sopar mes tard cau anar a dromir 2 h mes tard.

D’un aute costat, era Universitat de Lieja a hèt un estudi qu’afirme qu’es persones que se lhèuen mes tard poden contunhar d’auer ua bona activitat cerebrau 10,5 h dempús. Mès se mos lheuem abans, era activitat cerebrau decline fòrça.

USA, New Jersey, Jersey City, Senior woman sitting in bed and suffering from insomnia
Lheuar-se lèu hè créisser es nivèus d’stress des persones.

Ath delà d’aquerò, bèri uns recercaires dera Universitat d’Alberta, en Canadà, an podut demostrar qu’era fòrça qu’auem en es cames ei mes grana en es persones que se lhèuen mes tard. Era arrason poirie èster qu’as 21 h aguest tipe de persones patissen un creishement mes gran dera crosta motora e dera excitacion dera meusa espinau.

Ara fin, e pr’aquò non cau auer nat estudi scientific, dromir mes mos hè mes simpatics, mes dinamics e auer melhor receptivitat e energia positiua. Conselhs fòrça bons entà víuer mes ans.

Christian Andreu

LEAVE YOUR COMMENT

L'adreça electrònica no es publicarà. Els camps necessaris estan marcats amb *