ORDINATORS PER 25 €
Quan parlem dera fauta d’accés dera gent a Internet, de còps era vertadèra causa ei economica. Mès ara, un nòu ordinator qu’a creat era entrepresa Raspberry, des Estats Units, poirie hèr que fòrça gent entrèsse en eth mon dera informatica per sòn prètz: solament 25 €.
Aguest nòu ordinator, tanben se ditz Raspberry, ei tan gran coma ua carta de credit e tanben fòrça prim.
Eth sòn prètz ei divèrs: des 25 € enquias 40 €. Eth sòn darrèr modèl, qu’ei tanben eth mès complet, s’apera Raspberry P.3 e se pòt connectar ath WIFI e ath Bluetooth, a quate pòrts USB e pòt èster connectat a Eternet (Internet via cable).
Era prumèra version der ordinator Raspberry siguec lançat ath mercat en 2012 e ja a 12 milions de vendes ena planeta. Maugrat qu’era majoritat de vendes s’an hèt en es Estats Units, divèrsi païsi dera Union Europèa ja l’an, coma er estat espanhòu, on es sues vendes creishen e creishen.
Un ordinator que poirie èster revolucionari
Aguest nòu ordinator ei estat provat ja en diferentes escòles e maugrat que non i a encara un registre d’usatgèrs per païsi, era votz a corrut e mes e mes escòles e instituts se mòstren interessades peth Raspeberry P.3.
“Ei un ordinator fòrça bon pes escòles que non an pro sòs per informatizar es aules – çò confirmèc Pau Serra, assessor de Teconologia deth Govèrn catalan -. De còps, amb un ordinator mes bon non n’i a pro per tota ua classe e damb fòrça mens sòs se pòt aver un ordinator per toti es alumnes pr’amor qu’eth prètz ac permet”.
Aguest ordinator a estat fòrça ben arrecebut pera comunautat educativa catalana e tanben enes Isles Balears. Era arrason ei que pòt foncionar damb divèrsi sistèmes operatius. Totun, ei pensat melhor pes alumnes que non pas pes professors pr’amor qu’ei un shinhau lent.
Fin finau, era atencion des informatics tanben a estat cridada. Ei utilizat amassa damb Maker e Impression 3D, consoles, robòts o camères damb GPS. Se pòt crompar a travèrs dera Comunautat Raspberry. Fonciona damb programari liure dera Fondacion Raspbian mès tanben damb Windows e Linux. Es monitors son pantalhes HDMI e es teclats an d’aver connexion USB. Parlam ja der ordinador deth futur ?
Christian Andreu
