Home SCIÉNCIA NÒVA TEORIA SUS L’EVOLUCION DEL TEMPS
NÒVA TEORIA SUS L’EVOLUCION DEL TEMPS
1

NÒVA TEORIA SUS L’EVOLUCION DEL TEMPS

0
1

L’evolucion del temps (o lo movement a travèrs d’aqueste) es totjorn estada una matèria malaisida. Òr, una fisiciana australiana a pogut descobrir una anomalia de la fisica convencionala: i a un misteriós fenomèn sonat “violacion del Temps” que poiriá èsser a l’origina de l’evolucion del temps e de las leis de conservacion de la matèria a travèrs d’aqueste.

La fisiciana qu’a efectuat l’estudi s’apèla Joan Vaccaro e trabalha al Centre Griffith per la Dinamica Quantica de Natah, en Queensland, en Austràlia. Sas conclusions pòdon arribar de cambiar la vision convencionala de l’espaci e del temps, e demostrar, fin finala, cossí es lo movement del Mond a travèrs del temps.

Una simetria que fòrça l’Univèrs

La nòva teoria (amb la violacion del temps) ten una evolucion del temps. Pas coma abans.

Segon Vaccaro, l’Univèrs patís una simetria que viòla lo movement del temps e es per aquesta rason que nosautres avançam totes cap al futur. Se i aguèsse pas aquesta violacion, dicha de T (violacion del Temps), avançariam pas a travèrs del temps e encara seriam al Big Bang. Mas la pròva de tot aquò es que, uèi lo jorn, avèm laissat endarrièr l’origina de l’Univèrs.

“Ai trobat lo mecanisme que nos fa avançar cap al futur. Es la rason fondamentala –çò confirmèt Vaccaro– que nos fa envielhir e la rason que nos fa avançar a travèrs lo temps. L’Univèrs sembla d’èsser simetric dins lo temps e l’espaci mas i a una direccion determinada per avançar a travèrs del temps e aquò nos fa envielhir e non rejovenir”.

L’anomalia que Vaccaro a trobada se basa sus doas rasons fondamentalas que ja son definidas en fisica convencionala. Son las teorias sus la direccion del temps e lo comportament dels mesons (de particulas subatomicas amb de talhas entre l’electron e lo proton). Aquestes an un movement desparièr segon la direccion del temps.

Las experiéncias de Vaccaro, publicadas dins lo jornal numeric Proceedings of the Royal Society, mòstran que lo comportament dels mesons depend de la direccion del temps. S’aquesta direccion cambièsse, tanben o fariá lo comportament dels mesons.

“La fisica convencionala actuala parla solament d’una direccion del temps e d’un tipe solet de comportament dels mesons. Segon aquò, tot es asimetric –çò diguèt Vaccaro–. Mas lo problèma es que l’Univèrs pòt pas èsser asimetric”.

Segon Joan Vaccaro, i a un misteriós fenomèn sonat “violacion del Temps” que poiriá èsser a l’origina de l’evolucion del temps.

“Aquò vòl dire que las teorias de la fisica an d’èsser simetricas quand parlam del Temps –çò diguèt la fisiciana australiana–. Se foguèsson asimetricas a l’esgard del temps, se deurián adaptar a las direccions del temps e al comportament dels mesons. E aquò se passa pas ansin. Aquò es una anomalia en fisica qu’encara cal resòlver”.

A mai, Vaccaro a confirmat que se i aguèsse pas de violacion de T, i auriá un Univèrs fòrça singular pr’amor qu’un objècte coma una taula poiriá èsser situat dins lo temps e l’espaci sens desaparéisser.
“Un objècte existís en un luòc solet a l’encòp e un solet còp dins lo temps. D’èsser en un luòc de l’espaci es pas res d’especial mas d’èsser en un ponch del temps –çò confirmèt aquesta fisiciana– fariá desaparéisser puèi aqueste objècte, e aquò se passa pas”.

S’aquò se debanèsse, çò ditz Vaccaro, i auriá pas cap d’evolucion del temps. Las personas poirián solament existir en un ponch unic, e pro. I auriá pas de movement dins lo temps. Segon Vaccaro, aquò, una teoria de la violacion del Temps (violacion de T) o fa tot cambiar totalament.

“La Taula es totjorn dins lo meteis ponch, totjorn –çò diguèt Vaccaro–. La teoria ara accèpta una conservacion de la matèria. De mai, los objectes se fan mai vièlhs e finisson que se rompon e las personas se fan de mai en mai vielhas pr’amor qu i a una vertadièra evolucion del temps. Aquò vòl dire, fin finala, que la nòva teoria (amb la violacion del temps) ten una evolucion del temps. Pas coma abans. Vaccaro vòl contunhar sas experimentacions per poder sosténer sa nòva e estonanta teoria.

La Redaccion

Aqueste article serà tanben publicat dins Jornalet , lo primièr quotidian en linha de lenga occitana, amb lo qual Sapiéncia a un acòrdi de cooperacion.

Comment(1)

  1. Greate pieces. Keep posting such kind of info on your page.
    Im really impressed by your blog.
    Hello there, You have performed a fantastic job.

    I’ll certainly digg it and individually recommend to my friends.

    I am sure they will be benefited from this website.

LEAVE YOUR COMMENT

L'adreça electrònica no es publicarà. Els camps necessaris estan marcats amb *