Home ISTÒRIA NÒVA ESPÈCIA D’OMINID DESCOBÈRTA EN ASIA
NÒVA ESPÈCIA D’OMINID DESCOBÈRTA EN ASIA
0

NÒVA ESPÈCIA D’OMINID DESCOBÈRTA EN ASIA

0
0

L’arqueologia a pogut confirmar que, amassa amb Neandertalians e Denisovans una tresena espècia d’ominid conviviá amb Sapiens sapiens en Asia del Sud-Oèst. Fa milièrs d’annadas s’aurián crotzat geneticament amb la nòstra espècia abans de desaparéisser.

00000077693
La tresena espècia d’ominid que se crotzèt amb nosautres a laissat ADN que s’es pogut trobar en los abitants de las Illas Andaman.

La descobèrta es estada confirmada per una còla de scientifics de l’Institut de Biologia Evolutiva de la universitat catalana Pompeu Fabra e lo CSIC. Segon aquò aquesta nòva espècia que demorèt al sud-oèst asiatic auriá conviscut pendent milièrs d’annadas amb la nòstra espècia. Mentre o fasiá se crotzèt amb nosautres per, fin finala, desaparéisser de la planeta.

Aquesta nòva espècia non èra estada descrita pas abans per la sciéncia e a pogut èsser descrita a travèrs d’una analisi genetica que s’es realizada a un grop de personas de las Illas Andaman, plaçadas a l’Ocean Indian. Aquesta analisi poguèt confirmar qu’aquestas personas avián material genetic de la nòstra espècia, quand sortiguèt d’Africa ara fa d’aperaquí uns 100.000 ans. Mas tanben avián d’autre material genetic que non èra ne neandertalian ne denisovan. Èra apertenent doncas a una tresena espècia d’ominid desparièra a la nòstra.

Una tresena espècia misteriosa

La còla qu’a fach aqueste estudi genetic a pogut soslinhar qu’èra un ancessor comun nòstre amassa amb de neandertalians e denisovans, mas que tanben aviá una istòria desparièra d’aquestas doas espècias d’ominids. L’estudi demòstra que las analisis geneticas fachas a divèrsas comunautats umanas son fòrça utilas per provar de refutar l’istòria genetica de sapiens sapiens.

140314121009-nr-earthquake-strikes-andaman-nicobar-islands-00000529-story-top
La sciéncia a pogut descobrir una tresena espècia d’ominid que demorèt amb nosautres e amb neandertals en Asia.

“L’estudi a pogut trobar divèrses parts d’ADN d’aquesta nòva espècia d’ominid extingida al genòma dels umans modèrnes – çò diguèt Jaume Bertranpetit, cap de la còla de scientifics catalana-. Ara cal poder confirmar aquesta descobèrta amb l’analisi genetica a rèstas fossils de l’airal per poder lançar una nòva teoria scientifica, çò es la de l’existéncia de fins a tres espècias desparièras d’ominids que convisquèron amb la nòstra pendent de milièrs d’annadas amassa amb neandertalians e denisovans”.

Aqueste meteis trabalh scientific tanben a pogut estudiar l’auçada dels abitants de las Illas Andaman. Las evidéncias geneticas trobadas dison que la lor menor auçada non a coma causa que los primièrs abitants d’aquesta illas foguèsson mai petits que d’autras comunautats umanas d’uèi lo jorn, mas pr’amor que los lors abitants an patit un procés evolutiu d’adaptacion a l’environament e seleccion natural que fa que uèi sián coma son.

Segon Bertranpetit “en una illa petita non i a pas luòc per totes e los grands predators an de dessaparéiser. D’autres animals inferiors s’an de far mai petits se vòlon s’adaptar evolutivament e aquò es çò que s’a desvolopat en las Illas Andaman”. L’estudi es estat publicat a la revista scientifica Nature Genetics.

Christian Andreu

LEAVE YOUR COMMENT

L'adreça electrònica no es publicarà. Els camps necessaris estan marcats amb *