Home GEOGRAFIA MISTÈRIS DELS PICHONS CARPATS
MISTÈRIS DELS PICHONS CARPATS
0

MISTÈRIS DELS PICHONS CARPATS

0

Los Pichons Carpats son considerats coma l’inici del grand arc de montanhas carpaticas que i a entre la frontièra entre Àustria e Eslovaquia e los airals centrals de Romania. Maugrat lo sieu nom son una de las formacions amb bòsques mai grandas de tot lo país e an un airal de mai de 64 mil ectaras. Lo sieu eis mai long fa 100 quilomètres en direccion sud-nòrd e dessepara doas de las tres planas principalas de tota Eslovaquia : Zahorie e lo flube Danubi. La subdivision dels Pichons Carpats fa aital;

Devinske Karpaty- la mai pichona de totas e situada entre los quartièrs de Bratislava, la capitala d’Eslovaquia, de Devín, Devinská Nová Ves, Dubravka e Karlova Ves. La part mai interessanta es la de Sandberg, un escuèlh de sabla, e testimòni d’una mar preïstorica.

Pezinske Karpaty es la part mai espandida e tanben mai nauta, que s’estend dempuèi lo nòrd de Bratislava fins la region de Trnava, ont se tròba lo ponch mai naut de tota la franja- Zaruby amb 768 mètres de nautor.

zaruby-lo-ponch-mai-naut-de-los-pichons-carpats-en-las-roinas-del-castel-ostry-kamen-o-piera-ponchuda
Zaruby, lo ponch mai naut dels Pichons Carpats, en las roïnas del castèl Ostry Kamen o Pièra Ponchuda.

Aquesta zòna es tanben plena de caunas coma Prepadle o Driny, prèp de Smolenice.

La importància istorica dels Pichons Carpats consistissiá en tot formar una de las zònas de frontièra dels comtats eslaus de Nitra e Moràvia, e puèi del reialme ongrés. Las rotas comercialas per anar a Boèmia e Moràvia èran protegidas per un ret de castèls. Los mai coneguts son Devin, Cerveny Kamen (Pièra Roia), Pajstun, Korlatka, Cachtice, Smolenice o Biely Kamen (Pièra Alba). Los autres proprietaris dels castèls de Cerveny Kamen e Smolenice èran una de las familhas nòblas mai fòrtas de la region.

La familha de Palffy, èran coneguts defensors de la part ongresa de l’ Empèri dels Habsburg contra las invasions turcas. Lo son nom proven de las paraulas ongresas Pal- Pau/Pablo e fy- sufixe designat per mostrar l‘afiliacion. La sieu sèti principal en los Pichons Carpats èra lo mai grand de lors castèls principals – Cerveny Kamen, bastit sus un substrat de color roge que li balha lo nom.

Abans d’èsser los Palffys los proprietaris, lo castèl de Cerveny Kamen foguèt una sòrta de magasin fortificat de la familha Fugger, fòrça coneguda per las sieunas activitats mercantilas en l’Euròpa centrala e occidentala.

La zona dels Pichons Carpats es tanben coneguda per la cultura del vin, e las vilas de Pezinok, Modra e Svaty Jur son las mai conegudas dins aquesta tradicion. De segur que la meteissa arribèt amb los romans, totun, los colons que venián de l’èst alemand foguèron, aquò ja es solide, los primièrs en importar la tradición vinicòla que i a en l’airal e que contunha fins uèi.

Pàtria del poèta Jan Holly

bosques-de-cerveny-kamen-o-piera-roja
Los bòsques de Cerveny Kamen o Pèira Roja son de quilòmetres e quilòmetres de natura prigonda.

Brezovske Karpaty- es la segonda part mai espandida, mas tanben mai baissa, ont lo puèg Klenovaá es lo mai naut. Entre las sieunas atraccions principalas podem aver las roïnas del clastre de Katarinka o lo castèl de Dobra Voda. En la meteissa vila i demorèt los ans mai fèrtils lo poèta eslovac mai important de tot lo sègle XIX, Jan Holly.

Cachticke Karpaty forma una articulacion amb las zònas de Biele Karpaty/Carpats Blancs. Lo sieu territòri es solament limitat a l’entorn de la vila de Cachtice. La coneguda Comtessa sanguinària  foguèt Elisabet Báthory, qu’aviá aici la sieuna residéncia fins a l’inici del sègle XVII. I aguèron en aquela epòca mai de 650 assassinats en la region, sustot entre la comunautat de femnas joves, que li foguèron atribuïts.

Mas aquò es probablament una exageracion pr’amor que la meteissa Elisabet foguèt declarada fòla après la mòrt del sieu marit pendent las guèrras turcas. Ela, la Senhora de Cachtice, aviá coma origina una familha de Transilvània. Los recercaires d’uèi lo jorn pensan que los crims d’aquela epòca son benlèu la resulta de las intrigas de comtes rivals que volián se partejar las possessions de son linhatge.

cukanMichal Čukan 

Eslovac romanista de formacion,  es un apassionat per las cultura occitana e tanben la catalana. de mai, aima plan totas la culturas de l’America Latina e tanben del mond eslau en interaccion amb sos vesins.