Home ASTROFISICA MAI DE PRÒVAS SUS L’EXISTÉNCIA DE LA PLANETA X
MAI DE PRÒVAS SUS L’EXISTÉNCIA DE LA PLANETA X
0

MAI DE PRÒVAS SUS L’EXISTÉNCIA DE LA PLANETA X

0

La planeta X, atanben coneguda coma la planeta novena del nòstre Sistèma Solar ( mai enlà de Pluton), es pas estada descobèrta encara. Mas la sieuna cerca a fach rescontrar una nòva planeta nana que poiriá demostrar la sieuna existéncia. L’objècte, lo plus luenhan jamai trobat fins ara dins lo Sistèma Solar, fa d’aperaquí 300 quilomètres e es estat nomentat 2015 TG387.

L’orbita de 2015 TG387 situa aquela planeta nana ( per sa talha de 300 km) coma un aplaneta plan luenhana del Solelh.

La tròba d’aqueste objècte o planeta nana es estada anunciada uèi meteis per l’Union Astronomica internacionala de Planetas Nanas e es la resulta de divèrses ans d’estudi prefond de tres scientifics de l’Institut Carnegie per la Sciéncia, l’Universitat d’Arizòna del Nòrd e l’Universitat d’Hawaii. La sieuna confirmacion ajuda confirmar e fòrça la preséncia d’una SuperTèrra o granda planeta X, una planeta discutida pendent d’annadas per la comunautat astronomica pr’amor qu’encara es pas estada encontrada mas que plusors cercaires dison qu’existís.

Aital, la descobèrta de 2015 TG387 après d’annadas d’estudi (foguèt per primièr còp espepissada l’an 2015) poiriá cambiar totalament la definicion actuala qu’avèm sus lo Sistèma Solar pr’amor qu’es una nòva pròva, aprés plusors simulacions, de l’existéncia de la novena planeta.

Segon los scientifics qu’an pogut confirmar la sieuna orbita, 2015 TG387 es situada a 80 unitats astronomicas (UA) del Solelh ( una UA es la distància que i a entre la Tèrra e aquela estela) pendent lo moment qu’es pus pròche a la nòstra estela pr’amor que la sieuna orbita demòra prèp de 40.000 ans e quora es mai luenh del Solelh es a 2300 UA de la nòstra estela centrala.

Una planeta nana dos còps e mièg mai luenh del Solelh que Pluton, 2015 TG387 a una orbita fòrça longa e quora es prèp del Solelh es a 65 UA. Aquò fa d’aquel objècte un cors perihelic e es pr’aquò una planeta nana que jamai arriba d’èsser prèp d’autras planetas conegudas del nòstre Sistèma Solar, coma Neptun o Jupitèr.

Una planeta isolada

La tròba de 2015 TG387 ajudarà la recèrca de la Planeta X o SuperTèrra, una planeta jamai encontrada fins uèi lo jorn.

2015 TG387 seriá doncas “una planeta isolada coma tanben o son 2012 VP113 o Sedna – çò diguèt Scott Sheppard, cercaire de l’ estudi -. Aquò fa d’aquel tipe d’objèctes de planetas fòrça interessantas qu’ajudan de provar (maugrat qu’aquò encara es pas estada demostrada) l’existéncia de la Planeta X. Es una passa de mai dins la bona dralha”.

Per estimar l’orbita de 2015 TG387 los cercaires realizèron de simulacions informaticas qu’includissián la preséncia ipotetica de la planeta X. La majoritat d’aquelas confirmèt l’existéncia de la SuperTèrra pr’amor de l’orbita del nòu objècte trapat per aqueles cercaires. E segon aquel estudi i a encara pus d’objèctes mai luenhans qu’an la sieuna orbita al torn de la planeta X.

“La planeta X a la quita influéncia sus 2015 TG387 que las autras planetas descobèrtas an dins lo Sistèma Solar sus lors satellits – çò confirmèt Char Trujillo, cercaire qu’a estudiat aquela planeta nana -. Mai de donadas son publicadas al numeric Astronomical Journal.

La Redaccion

Christian Andreu Nasquèt a Barcelona en 1972, estudièt jornalisme a l’Universitat Autonòma de Barcelona e son especialitat es la politica internacionala. Parla uech lengas dont l'occitan. A publicat lo libre Art i Lletres a Horta-Guinardó e a collaborat totjorn amb de jornals catalans, bascos e occitans coma La Veu del carrer, El Punt, Egin, A vòste e Jornalet. Es maridat, a dos enfants, Jana e Roger, e demòra a Reus.