Home GEOGRAFIA L’OCEAN INDIAN AMAGA UN MICROCONTINENT
L’OCEAN INDIAN AMAGA UN MICROCONTINENT
0

L’OCEAN INDIAN AMAGA UN MICROCONTINENT

0
0

Nature Geoscience informa que, entre las illas Reunion e Maurici i a un petit continent amagat nomenat Mauricia, format en la epòca precambriana. Totun, la desseparacion de las placas continentalas demest Madagascar e Índia fa 60 milions d’ans auriá provocat lo sieu enfonzament.

image_899
Seichèlas serián doncas los pics mai nauts d’aquesta placa tectonica.

Aqueste fach scientific se debana fòrça sovent, çò confirman scientifics de Noruega, Alemanha, Africa del Sud e Reiaume Unit. Aquò meteis se debanèt fa 170 milions d’ans en Gondwana de l’èst, un continent que s’aviá format amb Madagascar, Índia, Austràlia e Antartida. Après, cada continent se desseparèt un autre còp.

Las illas Seichèlas serián doncas los pics mai nauts d’una placa tectonica que i a al fons de l’ocean demest Madagascar e Índia. Aquesta placa es un microcontinent qu’a coma nom Mauricia que s’auriá format fa demest 1.970 e 660 milions d’ans. Los scientifics qu’an fach aqueste estudi l’aurián descobèrt pr’amor de la circonita qu’aurián trobat en l’airal.

La circonita senhalèt lo microcontinent

La còla qu’a pogut descobrir finalament lo lòc exacte de Mauricia, lo continent enfonsat, poguèt far la descobèrta pr’amor de la circonita qu’aviá en lo sable de las illas Marion e Reunion. Aqueste sable aviá dedins circonita plan anciana que racontèt a la còla scientifica la istòria de Mauricia.

images
La desseparacion de las placas continentalas fa 60 milions d’ans auriá provocat lo sieu enfonzament.

Après conéisser que la circonita aviá arribat a aquestas illas amb la lava dels volcans que provoquèron l’enfonzament de Mauricia, los geològs volguèron saber quina èra l’edat de la placa tectonica que i aviá dejós. E trobèron aqueste microcontinent.

“Ara coneissèm lo lòc de la placa relativa e los ponches cauds en l’epòca del trincament de la placa Madagascar-Índia e quand se debanèt –çò diguèt Bernhard Steinberger del Centre de Recèrca de Geosciéncias d’Alemanha-. Tanben avèm pogut descobrir quines èran los tròces finals d’aqueste petit continent que son precisament las illas Reunion e Marion d’uèi lo jorn”.

Christian Andreu

LEAVE YOUR COMMENT

L'adreça electrònica no es publicarà. Els camps necessaris estan marcats amb *