Home GEOGRAFIA LO SOM MAI NAUT DE TITAN FA 3.337 MÈTRES
LO SOM MAI NAUT DE TITAN FA 3.337 MÈTRES
0

LO SOM MAI NAUT DE TITAN FA 3.337 MÈTRES

0

Divèrses scientifics de la mission Cassini de la NASA an trobat qual es lo som mai naut de Titan, la luna mai granda de Saturne e an pogut mesurar quant fa: 3.337 mètres de nautor. Aquela montanha es plaçada dins las Montanhas Mitrim, una val amb tres cadenas de montanhas parallèlas.

dione_preflybyimage_rotated_16
La montanha mai nauta de Titan es estada descobèrta fa pauc per la mission Cassini.

Aital, la còla d’astronòms de la NASA qu’a fach la descobèrta considèra qu’aqueste som es pas solament lo mai naut de tota la planeta, mas tanben que serà, de segur, lo solet que se pòt trobar uèi lo jorn. Per lo descobrir, la còla  que l’a trobat a utilizat divèrses espleches de radar de la mission Cassini. An confirmat que amb las imatges de radar se pòdon veire plan mai d’imatges e mai exactas que amb los uelhs umans.

Al luòc d’utilizar d’imatges amb la lutz solar, aquesta cola a utilizat de senhals de ràdio que permeton de veire amb mai de prigondor cossí es la superficia de Titan e aital poder aver mai de detalhs scientifics.

Una luna amb de montanhas e rius

Amb aquò, tanben s’an descobèrt d’autres soms dins la region de las Montanhas Mitrim aital coma en una autra region sonada Xanadu. Al delà d’aquò, an pogut confirmar que Titan es una planeta que patís l’erosion de son paisatge, qu’a de montanhas, de rius e d’aiga.

pia20023
Lo procès d’erosion que patís Titan es fòrça mai lent que non sus la Tèrra.

“Mas lo procès d’erosion que patís Titan es de segur mai lent sus Titan que non sus la Tèrra – çò diguèt Jani Radebaugh, de la Universitat Young e qu’a participat en l’estudi -. Es aital pr’amor de la distancia al Solelh; i a plan mens d’energia per erosionar en aquesta luna de Saturne que non sus la Tèrra”.

De mai, l’estudi , que s’a publicat a las Jornadas Planetarias de Sciéncia, en Texas ongan, a confirmat que en Titan i tant aiga coma gèl mas qu’aqueste essustot de tèrra glaçada.

L’erosion d’aquesta luna se racònta pr’amor de las fòrças tectonicas provocadas, benlèu per la rotacion de la luna o la gravitat de Saturne, la planeta maire. Ara, la còla vòl contunhar d’estudiar las causas de la creacion de montanhas coma aquela sus Titan.

Redaccion