Home DIVÈRSES L’INCOERÉNCIA EVOLUTIVA
L’INCOERÉNCIA EVOLUTIVA
0

L’INCOERÉNCIA EVOLUTIVA

0

Mai e mai psicològs reconeisson l’incoeréncia evolutiva dels nòstres cervèls. Aquò seriá una marrida responsa al nòstre environament, al mond actual. E los psicològs nomentats de l’evolucion son arribats definir çò qu’es l’incoréncia evolutiva: se produsís quora los organisme que an de s’adaptar a travèrs una evolucion biologica càmbian tan lèu que pòdon pas contunhar coma espècia e se reprodusisson pas mai.

Los exèmples, dins los scientifics d’aquela opinion, son patits per fòrça espècias animalas uèi lo jorn: la deforestacion provòca l’extincion d’espècias coma lo rinocèros o l’orangotan. Mas los umans tanben patissèm d’incoeréncias evolutivas en tot causir de marridas decisions. Cal o saber e èsser alèrta.

Segon qualques psicològs amb l’agricultura la societat umana cambièt pas pro lèu.

Atal, la teoria psicologica de l’incoeréncia evolutiva definís las causas actualas de malautiás coma la depression, l’alcolisme, aver una familha pas estructurada o de caps marrits al luòc de trabalh que solament provòcan ànsia.

Segon aquesta teoria se un uman a doas opcions, A e B, causirà la pejor maugrat saber que l’autra es melhor dins un periòde long de temps: l’exemple del minjar es pro clar. Los umans an evolucionat fins aver una preferéncia pel minjar amb fòrça calorias. Aquò ajudava viure dins d’environaments amb pauc minjar. Totun, uèi lo jorn preferís encara minjar fòrça calorias sens cap de contraròtle quora es pas mai de besonh. Pr’aquò i an d’epidémias d’obesitat, diabèta e atacs de còr.

Problèmas mentals coma resulta

Avèm evolucionat plan lèu e la nòstra ment a agut pas temps de s’adaptar: depression après aver un filh, desparièras parelhas – n’avèm tantes que lo cervèl pòt pas mai aver una relacion longa dins lo temps, eca.

99 % de las societats umanas se desvolopèron a travèrs la cooperacion e pas la competéncia.

A mai, 99% de l’evolucion umana se produsiguèt en environaments amb de pichonas societats. Grops de caçaires-culheires d’entre 50 e 150 individús. I avián pas caps, ne tòcas de produccion, ne amics a travèrs d’internet, ne plans de pensions. Pas cap desseparacion entre la vida privada e lo trabalh.

Après la revolucion de l’agricultura las societats cambièron e foguèron mai complèxas. E aquò produsiguèt trabalh toxic per l’espècia umana. Abans i aviá confiança e cooperacion. Ara competéncia e concurréncia. Uèi los caps laborals contraròtlan totes los aspèctes de la vida laborala e i a estrès, alienacion, corrupcion e abús de poder. Avèm pas encara evolucionat pro.

Cossí far doncas ? Cal pas tornar a las caunas. Solament conéisser melhor las causas de la nòstra incoréncia evolutiva coma espècia. Minjar mai san es una opcion. Aver mai relacions umanas atanben. Podèm far espòrt e una melhor relacion sociala e environamentala. Solament aital poirem conéisser las leçons que l’istòria e l’evolucion pòdon nos balhar.

La Redaccion

Christian Andreu Nasquèt a Barcelona en 1972, estudièt jornalisme a l’Universitat Autonòma de Barcelona e son especialitat es la politica internacionala. Parla uech lengas dont l'occitan. A publicat lo libre Art i Lletres a Horta-Guinardó e a collaborat totjorn amb de jornals catalans, bascos e occitans coma La Veu del carrer, El Punt, Egin, A vòste e Jornalet. Es maridat, a dos enfants, Jana e Roger, e demòra a Reus.

LEAVE YOUR COMMENT

L'adreça electrònica no es publicarà. Els camps necessaris estan marcats amb *