Home GEOGRAFIA L’EXÒDE EN ORIENT MEJAN E NÒRD D’AFRICA SERÀ ENCARA MAI GRAND
L’EXÒDE EN ORIENT MEJAN E NÒRD D’AFRICA SERÀ ENCARA MAI GRAND
0

L’EXÒDE EN ORIENT MEJAN E NÒRD D’AFRICA SERÀ ENCARA MAI GRAND

0
0

Las regions de l’Orient Mejan e Nòrd d’Africa son un airal ont demoran mai de 500 milions de personas e qu’an agut ja un creissement de las temperaturas pendent l’estiu evidentas. Dempuèi 1970 lo nombre de jorns mai cauds es doble qu’abans e ara un estudi scientific preditz un exòde gigant de la populacion d’ailà ja en 2050 o abans pr’amor que la vida poiriá pas mai demorar en la region.

morocco-Peter-Vruggink2-740x488
Las tempèstas de sable dels desèrts pòdon arribar a far inabitablas Africa del Nòrd e Orient Mejan lèu.

L’estudi es estat realizat per Jos Lelieveld, director de l’Institut Max Planck de Quimica e divèrses autres collègas. An fach una recèrca sus coma se desvoloparàn las temperaturas en aquesta region pendent aqueste sègle. La conclusion es mai qu’inquietanta: las temperaturas creisseràn mai de dos grads de mejana e pendent los estius encara mai. Los jorns mai cauds auràn mai de 30 grads pendent la nuèch e fins a 46 grads de mejana pendent lo jorn amb cimas de mai de 50 grads pendent miègjorn. E aquò se debanarà fins a 10 còps mai sovent que non pas ara e abans de l’an 2050.

De mai, las ondadas de calor en Africa del Nòrd e Orient Mejan creisseràn de manèra dramatica. En 1986 aquesta region aviá solament 16 jorns qu’èran plan cauds. En 2050 seràn mai de 80 e mai de 120 cinquanta ans pus tard. “E se l’umanitat non redusís los gases d’efècte sèrra abans de 2040, la region aurà mai de 200 jorns cada an amb unas temperaturas totalament insuportables per la vida umana – çò diguèt Panos Hadjinicolau- expèrt climatològ e professor associat a l’Institut de Recèrca de Chipre-“.

Un estius amb de temperaturas mai que nautas

Aquò, segon Lelieveld aurà una influéncia cèrta sus l’environament e la santat dels umans de la region. I auràn ondadas de calor fòrça mai longas e las tempèstas de sable dels desèrts pòdon arribar a far inabitablas qualques regions. E aquò provocarà, al còp, un exòde uman e una granda crisi humanitària. E aquò, segon aqueste scientific serà lèu.

Aquesta meteissa còla de scientifics a publicat tanben fa pauc un autre estudi sus lo creissement de la pollucion de l’aire a causa del sable en l’Orient Mejan. En païses coma Arabia Saudita, Iraq e Siria ja a crescut mai d’un 70% dempuèi l’an 200. E espèran que las tempèstas de sable, pr’amor de la sequèra seràn encara de mai en mai nombrosas.

Segon aquestes scientifics i avián dos escenaris. Lo primièr, tanben sonat RCP8.5 assumís que los gases amb efècte de sèrra non s’arturaràn e la temperatura creisserà mai de 4 grads dempuèi 1800. Lo segond, apellat RCP4.5 assumís qu’aquestes gases decreisseràn abans de 2040 e la temperatura mondiala solament pujarà 2 grads e pro.

Syrian refugees on an overcrowded dingy land on the Greek island of Kos after crossing part of the Aegean Sea from Turkey to Greece, early May 26, 2015. Hundreds of mainly Syrian and Afghan immigrants on Tuesday landed on the Greek island of Kos in the south-eastern Aegean Sea. REUTERS/Yannis Behrakis TPX IMAGES OF THE DAY - RTX1EK3C
En Orient Mejan i i aurà un exòde gigant de personas cap a d’autres airals de la planeta per lo cambi de temperaturas.

Mas en ambedós escenaris, en Mejan Orient e Nòrd d’Africa, pendent los estius, las condicions seràn plan e plan duras. En aquò Lelieveld a Handjinicolau son d’acòrd: “Lo cambi del climat provocarà abans de 2050 una deterioracion de las condicions de vida en la region e mai lèu o mai tard, i aurà un exòde gigant de personas cap a d’autres airals de la planeta pr’amor qu’auràn de laissar per fòrça la region. Ja non s’i poirà viure mai”.

Christian Andreu

LEAVE YOUR COMMENT

L'adreça electrònica no es publicarà. Els camps necessaris estan marcats amb *